అభం శుభం తెలియని చిన్నారుల దగ్గర నుంచి ముసలి వాళ్ళ వరకు ఎవరిని వదలడం లేదు. సడన్ హార్ట్ ఎటాక్లు ఎందుకు వస్తున్నాయ్.. ఎలా వస్తున్నాయో అర్థం కావట్లేదు. కానీ చూస్తూ చూస్తుండగానే మనుషుల ప్రాణాలను తీసేస్తూ ఉన్నాయి. అప్పటి వరకు సంతోషంగా సరదాగా గడిపిన వారు సైతం.. చూస్తుండగానే కుప్పకూలిపోయి సెకండ్లలో ప్రాణాలు కోల్పోతున్నారు. ఇక ఇలాంటి ఘటనలు ప్రతి ఒక్కరిలో ప్రాణ తీపిని పెంచేస్తూ ఉన్నాయి అని చెప్పాలి. ఇలా సడన్ హార్ట్ ఎటాకులు ఏకంగా కరోనాను మించిన మహామ్మారీగా మారింది. ఎందుకంటే కరోనా ఎటాక్ చేసిన తర్వాత జాగ్రత్తలు పాటిస్తే తప్పించుకోవచ్చు అన్న విషయం అందరికీ తెలుసు.
కానీ సడన్ హార్ట్ ఎటాక్ లు వచ్చిన తర్వాత ఎలా తప్పించుకోవాలో అని ఆలోచన చేసేలోపే ప్రాణం గాల్లో కలిసిపోతుంది. ఇటీవల ఖమ్మం జిల్లాలో కూడా ఇలాంటి ఒక విషాదకర ఘటన వెలుగు చూసింది. ఏకంగా అన్నం తినడానికి గిన్నె ముందు కూర్చున్న వ్యక్తి ముద్ద కూడా నోట పెట్టకుండానే.. చివరికి కుప్పకూలిపోయాడు. అయితే కుటుంబ సభ్యులు వెంటనే అతని ఆసుపత్రికి తరలించారు. కానీ ప్రయోజనం లేకుండా పోయింది. ఎందుకంటే అప్పటికే అతని ప్రాణం గాల్లో కలిసిపోయింది. ఈ ఘటన ఖమ్మం జిల్లాలో వెలుగులోకి వచ్చింది అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి