![](https://www.indiaherald.com/cdn-cgi/image/width=750/imagestore/images/crime/135/deathdeed22d5-586c-446c-a4fd-ea15cbc9ad93-415x250.jpg)
ఎంతో సంతోషంగా అమ్మమ్మ ఇంటికి వెళ్లిన చిన్నారి తిరిగి వస్తూ చివరికి కానరాని లోకాలకు వెళ్లిపోయింది. తెల్లవారితే పుట్టినరోజు ఇక ఎంతో ఘనంగా వేడుకను జరుపుకోవాలి అని తల్లిదండ్రులు ఆశపడ్డారు. కానీ అంతలోనే ఆ తల్లిదండ్రులను పుట్టెడు శోకంలో మునిగిపోయేలా చేసింది విధి. నారాయణపేట జిల్లా చిట్యాల గ్రామంలో ఈ విషాదకర ఘటన వెలుగులోకి వచ్చింది. ఆర్.ఎం.పి వైద్యుడు రమేష్, రక్షితలకు ముగ్గురు కుమార్తెలు. పెద్ద అమ్మాయి నివేదిత (4)ను మరికల్లోని అమ్మమ్మ ఇంటికి కొద్ది రోజుల క్రితం పంపించారు తల్లిదండ్రులు.
అయితే మనవరాలు ఇంటికి రావడంతో ఇక వెంకటయ్య దంపతుల ఆనందానికి అవధుల్లేకుండా పోయాయ్. మనవరాలు ముద్దు ముద్దు మాటలను చూసి ఎంతగానో మురిసిపోయేవారు. అయితే ఇటీవల తిరుపతి ఏడుకొండల వారి దర్శనానికి తీసుకెళ్లి శనివారం మరికల్ చేరుకున్నారు. అయితే మనవరాలు పుట్టినరోజు కావడంతో వేడుకలు నిర్వహించేందుకు సన్నాహాలు చేశారు. ఇంతలో చిన్నారి తల్లి ఫోన్ చేసి పుట్టినరోజు వేడుకలను చిట్టీయాలలో నిర్వహిస్తాం అంటూ తెలిపింది. దీంతో చిన్నారితో కలిసి ఇక చిట్యాలకు బయలుదేరారు. ఈ క్రమంలోనే ద్విచక్ర వాహనంపై ఎక్కించుకొని ఇక వెంకటయ్య బయలుదేరగా.. ఊహించని ఘటన జరిగింది. ఏకంగా బైక్ అదుపుతప్పి కింద పడిపోయారు. ఘటనలో నివేదిత అక్కడికక్కడే తుది శ్వాస విడిచింది. వెంకటయ్యకు తీవ్ర గాయాలు అయ్యాయి. అయితే తెల్లవారితే పుట్టిన రోజు వేడుకలు ఉండగా అంతలోనే కూతురు దూరం కావడంతో కుటుంబ సభ్యులందరూ కూడా శోకంలో మునిగిపోయారు.