అయితే ఒక్కొక్కరు ఒక్కో విధంగా ఇలా పెంపుడు జంతువులని పెంచుకున్నారు. కొంతమంది కుక్కలని పెట్స్ గా పెంచుకుంటుంటే.. ఇంకొంతమంది పిల్లులను ఇంట్లో పెంచుకుంటూ ఉండడం చూస్తూ ఉన్నాం మరి కొంతమంది విచిత్రంగా ఏకంగా పాములను సింహాలను పెంచుకుంటూ ఉన్న విచిత్రమైన ట్రెండు కూడా నేటి రోజుల్లో కనిపిస్తుంది. అయితే ఇలా పెంపుడు జంతువులను జాగ్రత్తగా చూసుకుంటూ ఉంటారు. అయితే ఇక్కడ ఒక కుటుంబం ఎంతో ప్రేమగా ఒక పిల్లిని తెచ్చి పెంచుకుంటుంది. కానీ ఆ పిల్లి కారణంగా చివరికి వారి ఇల్లే తగలబడిపోయింది.
చైనాలో ఈ విచిత్రకరమైన ఘటన వెలుగులోకి వచ్చింది. ఓ పెంపుడు పిల్లి ఇంటిని తగలబెట్టేసింది. నైరుతి చైనాలోని సించువాన్ ప్రావిన్స్ లో దండన్ అనే వ్యక్తి ఓ పిల్లిని తెచ్చుకొని ప్రేమగా పెంచుకుంటున్నాడు. దాని పేరు జిన్ గుడియావ్. అయితే ఆ పిల్లి వంట గదిలో ఆడుకుంటూ పొరపాటున ఇండక్షన్ కుక్కర్ టచ్ ప్యానెల్ పై అడుగుపెట్టగా స్టవ్ అంటుకొని వంటగది మొత్తం కాలిపోయింది. దీంతో ఇది గమనించిన ఇంటి యజమాని వెంటనే అటు అగ్నిమాపక సిబ్బందికి సమాచారం అందించగా.. హుటాహుటిన అక్కడికి చేరుకుని మంటలను ఆర్పేశారు సిబ్బంది. కాగా తర్వాత క్యాబినెట్లో బూడిదలో కూడుకుపోయిన పిల్లిని గుర్తించారు అగ్నిమాపక సిబ్బంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి