![](https://www.indiaherald.com/cdn-cgi/image/width=750/imagestore/images/crime/135/shocking-video-viral-in-social-media-805bd640-0a19-4dec-89cc-ae932af89702-415x250.jpg)
అయినప్పటికీ అటు వాహనదారుల తీరిలో మాత్రం అసలు మార్పు రావడం లేదు. ఏకంగా ట్రాఫిక్ రూల్స్ అతిక్రమించడం కాదు.. మొబైల్ మాట్లాడుతూ వాహనం నడపడం చేస్తున్నారు. ఇంకొంతమంది ఏకంగా తాగి బండి నడుపుతూ ఎన్నో ప్రమాదాలకు కారణమవుతున్నారు అని చెప్పాలి. అయితే ఇలాంటి ప్రమాదాలు పెరిగిపోతున్న నేపథ్యంలో ఈ మధ్యకాలంలో ఇక పోలీసులు ఎక్కడికక్కడ తనిఖీలు చేయడం మొదలుపెట్టారు. డ్రంక్ అండ్ డ్రైవ్ లో దొరికిన వారికి కఠిన శిక్షలు విధిస్తూ ఉండడం కూడా చూస్తూ ఉన్నాం. అయితే ఇక్కడ పోలీసులు ఇలాగే తనిఖీలు నిర్వహించగా.. డ్రంక్ అండ్ డ్రైవ్ చేస్తూ కొంత మంది వ్యక్తులు పట్టుపడ్డారు.
ఈ క్రమంలోనే పోలీసులకు ఇలా తాగి బండి నడుపుతున్న వాహనదారులకు మధ్య ఘర్షణ వాతావరణం నెలకొంది అని చెప్పాలి. ఇక హైదరాబాద్ నగరంలో ఈ ఘటన వెలుగులోకి వచ్చింది. మద్యం తాగి వాహనం నడిపిన యువకులను పోలీసులు కొట్టారు. శంకర్పల్లి రోడ్డు లోని గవర్నమెంట్ కాలేజ్ వద్ద చేవెళ్ల పోలీసులు డ్రంక్ అండ్ డ్రైవ్ తనిఖీలు చేపట్టారు. పోలీసులకు పట్టుబడిన మహేష్ అక్కడి నుంచి తప్పించుకునేందుకు ప్రయత్నించగా పోలీసులు పట్టుకొని అతనితో రోడ్డు మీదకు తీసుకువచ్చారు. ఇక ఇందుకు సంబంధించిన వీడియోలు వైరల్ గా మారిపోయాయి అని చెప్పాలి. అయితే తమ విధులకు ఆటంకం కలిగించడంతోనే ఇలా చేయాల్సి వచ్చిందని పోలీసులు వివరణ ఇస్తూ ఉండడం గమనార్హం.