దీంతో వీధి కుక్కలు ఎప్పుడు ఎలా ప్రవర్తిస్తాయో తెలియక.. ప్రతి ఒక్కరు భయం భయంగానే బ్రతుకుతున్నారు. అయితే ఇటీవల చత్తీస్గడ్ లోని గుండాహుర్ లో ఒక షాకింగ్ ఘటన వెలుగు చూసింది. ఒక గ్రామంలో ఒక పిచ్చికుక్క పాలు ఇచ్చే రెండు ఆవులను కరిచింది. అయితే అది జరిగిన సుమారు రెండు నెలల తర్వాత ఆ రెండు ఆవులు రేపిస్ బారిన పడ్డాయి. ఈ విషయం తెలియని ఆవుల యజమాని పాలను పిండి గ్రామంలోని స్థానికులు అందరికీ కూడా విక్రయించాడు. ఈ క్రమంలోనే రేబిస్ బారిన పాడిన ఆవులు చివరికి మృత్యువాత పడటంతో.. ఇక ఆవులు ఇచ్చిన పాలు తాగిన గ్రామస్తులు ఆందోళన వ్యక్తం చేశారు. దీంతో వెంటనే అక్కడికి వైద్య ఆరోగ్య శాఖ బృందం గ్రామంలో శిబిరం ఏర్పాటు చేసి ఆవులను పాలను వినియోగించిన గ్రామస్తులందరికీ కూడా రేబిస్ ఇంజక్షన్ ఇవ్వడం మొదలుపెట్టారు.
అయితే ఆవులను పిచ్చికుక్కలు కరిచిన విషయం ఆ యజమానికి ముందే తెలుసు అని అందుకే రహస్యంగా ఆసుపత్రికి వెళ్లి అందరికంటే ముందే అతను రేబిస్ వ్యాక్సిన్ వేసుకున్నాడు అంటూ గ్రామస్తులందరూ కూడా ఆరోపిస్తున్నారు. అయితే ఇక ఇలా రెండు ఆవులు రేబిస్ చనిపోవడంతో ఆ గ్రామం మొత్తం భయానక వాతావరణం నెలకొంది అని చెప్పాలి. చివరికి ఈ విషయం ఆ నోట ఈ నోట పడి పక్క గ్రామాలకు కూడా పాకిపోవడంతో ఆవు పాలు తాగడం, స్వీట్లు తినడం పూర్తిగా నిషేధించారు. ఈ ఘటన కాస్తా స్థానికంగా సంచలనంగా మారిపోయింది అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి