ఇక్కడ ఇలాంటి తరహా ఘటన వెలుగులోకి వచ్చింది. ఇద్దరు యువకులు రైల్వే స్టేషన్ కు చేరుకున్నారు. వారి చేతిలో పెద్ద ట్రాలీ బ్యాగ్ ఉంది. ఈ క్రమంలోనే రైల్వేస్టేషన్లో అటు ఇటు నడుస్తున్న ఇద్దరు యువకులు ఒకరితో ఒకరు మాట్లాడటం లేదు అంతే కాదు కాస్త అనుమానాస్పదంగా కనిపించారు. దీంతో వెంటనే రైల్వే ప్రొటెక్షన్ ఫోర్స్ వారిని గమనించి.. ప్రశ్నించడం మొదలుపెట్టారు. కాగా సెక్యూరిటీ సిబ్బంది ఏం అడిగినా కూడా విచిత్రంగా సమాధానం చెప్పడంతో.. వారిపై ఇంకా అనుమానం పెరిగిపోయింది. అయితే ఏం అడిగినా కూడా మాట్లాడకుండా కేవలం సైగల ద్వారానే ఏదో చెప్పే ప్రయత్నం చేశారు దీంతో రైల్వే ప్రొటెక్షన్ ఫోర్స్ వారి బ్యాగులు వారి ప్రవర్తన పట్ల మరింత అనుమానం వ్యక్తం చేశారు.
ఈ క్రమంలోనే ఈ అనుమానంతోనే ఆర్పిఎఫ్ సిబ్బంది వారి బ్యాగ్ ను తెరిచి చూడగా.. అందులో కనిపించిన దృశ్యం చూసి ఒక్కసారిగా భయభ్రాంతులకు లోనయ్యారు ఇక అక్కడికి వచ్చిన పోలీసులు సైతం ఒక్కసారిగా కంగుతున్నారు. మహారాష్ట్రలోని దాదర్ రైల్వే స్టేషన్ లో ఈ ఘటన జరిగింది. ఏకంగా బ్యాగులో ఉన్న మృతదేహాన్ని రైల్వే ప్రొటెక్షన్ ఫోర్స్ అధికారులు స్వాధీనం చేసుకున్నారు. అయితే అధికారులు దర్యాప్తు చేయగా మృతదేహం అర్షద్ అలీ అనే వ్యక్తిది అనే విషయం తెలిసింది. ఇలా ట్రావెల్ బ్యాగ్ ని తీసుకు వెళ్తున్న వ్యక్తిని జై ప్రవీణ్ చావడ, అతని సహోదరుడు శివజిత్ సురేంద్ర సింగ్ గా గుర్తించారు. నిజంగానే వీరిద్దరూ వినలేరు మాట్లాడలేరు అన్న విషయం దర్యాప్తులో తేలింది. కాగా శివజిత్ సురేంద్ర సింగ్, మృతునికి మధ్య అతని స్నేహితురాలి విషయంలో గొడవ జరిగిందని.. ఈ గొడవే హత్యకు కారణమని దర్యాప్తులో తేల్చారు పోలీసులు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి