యూనిఫామ్ లో ఉన్నప్పుడే ఎంజాయ్ చేయాలి అని అనుకున్నారు. అనుకోవడమేంటి అనుకున్నదే తడువుగా ఏకంగా యూనిఫామ్ ఒంటి మీద ఉన్నప్పటికీ కూడా సినిమా పాటలపై డాన్సులు చేశారు. ఒక్కరు ఇద్దరు కాదు స్టేషన్లో ఉన్న అందరూ కూడా కాలు కదిపి తమలో ఉన్న డాన్సర్ను బయటపెట్టేసారు. ఇంకొకరు ఈ హ్యాపీ మూమెంట్ను సెల్ఫోన్లో వీడియో తీశారు. ఇంకేముంది ఈ వీడియో సోషల్ మీడియాలోకి రావడంతో తెగ వైరల్ గా మారిపోయింది. అయితే ఆగస్టు 15 స్వాతంత్ర దినోత్సవాన్ని ఎంతో సంతోషంగా గడుపుకున్నాము అని ఆ పోలీసులు అందరూ అనుకుంటున్న సమయంలో పైఅధికారులు మాత్రం ఊహించని షాక్ ఇచ్చారు.
ఇలా ఆగస్టు 15వ తేదీన యూనిఫాం వేసుకుని డాన్స్ చేసిన పోలీసులు అందరినీ కూడా సస్పెండ్ చేస్తూ పైఅధికారులు నిర్ణయం తీసుకున్నారు. మూడు నెలల పాటు వీరిని సస్పెన్షన్ చేశారు. ఈ ఘటన నాగ్పూర్ లోని తహసిల్ పోలీస్ స్టేషన్లో వెలుగులోకి వచ్చింది. ఏఎస్ఐ సంజయ్ పాఠంకర్, హెడ్ కానిస్టేబుల్ అబ్దుల్ ఖయ్యూం గని, భాగ్యశ్రీ గిరి, కానిస్టేబుల్ నిర్మల డాన్స్ చేస్తూ సందడి చేసిన వీడియో వైరల్ గా మారిపోవడంతో ఉన్నతాధికారులు ఈ విషయంపై స్పందించి కాకి డ్రెస్ లో ఇలా డాన్సులు చేసినందుకు వారిని సస్పెండ్ చేస్తూ నిర్ణయం తీసుకున్నారు. దీంతో సంతోషంగా గడిపిన ఆ ఖాకిలకు ఊహించని షాక్ తగిలింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి