చిన్నచిన్న కారణాలకి ఏకంగా అన్యోన్యంగా ఉండాల్సిన భార్యాభర్తలు కూడా విడాకులు తీసుకున్నందుకు సిద్ధమవుతున్నారు. ఏకంగా భార్యాభర్తలు కాదు.. బద్ధ శత్రువులు అనే విధంగానే ఒకరిపై ఒకరు కోపం పెంచుకుంటున్నారు. చివరికి కొన్ని కొన్ని సార్లు ప్రాణాలు తీసుకునేందుకు కూడా సిద్ధమవుతున్న ఘటనలు వెలుగులోకి వస్తున్నాయి అన్న విషయం తెలిసిందే. ఇలాంటి ఘటనలు ప్రతి ఒక్కరిని కూడా ఉలిక్కిపడేలా చేస్తూ ఉన్నాయి. అయితే ఇక్కడ వెలుగులోకి వచ్చిన ఘటన కూడా ఇలాంటి కోవలోకి చెందినదే. భర్త అన్న ఒక్క మాటతో కోపంతో ఊగిపోయిన భార్య అతనిపై కేసు పెట్టింది.
చివరికి జరిగిన విషయం గురించి తెలిసి కోర్టు ఏకంగా భార్యపై తీవ్ర ఆగ్రహం వ్యక్తం చేసింది. ఈ ఘటన కర్ణాటకలో వెలుగులోకి వచ్చింది. జరిగిన ఘటన గురించి తెలిసి ప్రతి ఒక్కరు షాక్అవుతున్నారు. ఫ్రెంచ్ ఫ్రైస్ తినొద్దని చెప్పిన భర్త పై భార్య ఏకంగా ఐ.పి.సి 498 ఏ సెక్షన్ కింద గృహహింస కేసు పెట్టింది. దీంతో ఆ భర్త కర్ణాటక హైకోర్టును ఆశ్రయించాల్సి వచ్చింది. విచారణ చేపట్టిన జడ్జి నాగప్రసన్న మాట్లాడుతూ ఇలా కేసు పెట్టడం చట్టాలను దుర్వినియోగం చేయడమే అంటూ ఆగ్రహం వ్యక్తం చేశారు. భర్త పై చర్యలు తీసుకుంటే.. న్యాయ ప్రక్రియను అపహాస్యం చేసినట్లే అవుతుంది అంటూ సదరు న్యాయమూర్తి వ్యాఖ్యానించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి