మరి ముఖ్యంగా ఫ్రాంక్ వీడియోల పేరుతో ఏకంగా జనాలను ఇబ్బంది పెడుతున్న వారి సంఖ్య ఈ మధ్య కాలంలో రోజురోజుకు పెరిగిపోతుంది అని చెప్పాలి అయితే కొంతమంది ఇక ఇలాంటి ఫ్రాంక్ వీడియోలు చేసి చివరికి ఇబ్బందులు పడటం లాంటి ఘటనలు కూడా వెలుగులోకి వస్తున్నాయ్. ఇప్పుడు మనం మాట్లాడుకోబోయేది కూడా ఇలాంటి తరహా ఘటన గురించే. ఈ మధ్య కాలంలో ఫాలోవర్లు ఇచ్చిన ఛాలెంజ్ ను చేసి చూపించడం ఒక ట్రెండ్ గా మారిపోయింది. ఇక్కడ ఒక యూట్యూబర్ ఇలాంటిదే చేశాడు.
అతను చేసిన పని మాత్రం అందరికీ ఆగ్రహాన్ని తెప్పిస్తుంది. ఓ యువకుడు ఆర్టీసీ బస్సును ఆపి ఆ వెంటనే అక్కడి నుంచి పరిగెత్తిన వీడియో ఒకటి సోషల్ మీడియాలో వైరల్ గా మారిపోయింది. తన ఫాలోవర్స్ ఇచ్చిన ఛాలెంజ్ ప్రకారం ఇలా చేశాడు ఆ యువకుడు. అయితే ఈ వీడియో వైరల్ గా మారగా దీనిపై ఆర్టీసీ సంస్థ ఎండి సజ్జనర్ ఫైర్ అయ్యారు. సోషల్ మీడియాలో పాపులరిటి కోసం ఇలాంటి వెర్రి చేష్టలు అవసరమా.. బస్సులో ప్రయాణించే వారికి అసౌకర్యం కలుగుతుందని సోయి లేకుండా కొందరు ఇలా వికృతానందం పొందుతున్నారు. లైకులు కామెంట్లు కోసం పిచ్చి పనులు మానుకోండి. బంగారు భవిష్యత్తు పైపు బాటలు వేసి ఉన్నత శిఖరాలను అందుకోండి అంటూ సజ్జనర్ సోషల్ మీడియాలో పోస్ట్ పెట్టారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి