వనపల్లి చంద్రశేఖర్ అనే వ్యక్తి, తన భార్య తనూజ, ఇద్దరు కూతుళ్లు జోషిక (7), నివిల్ (6)తో కలిసి సంతోషంగా జీవిస్తున్నాడు. చంద్రశేఖర్ ఒక ప్రైవేట్ కంపెనీలో ఉద్యోగం చేస్తున్నాడు. అయితే, శుక్రవారం రోజున చంద్రశేఖర్ తన భార్య, పిల్లలతో కలిసి పుట్టింటికి వెళ్లాడు. అక్కడ పిల్లల్ని ఆడుకోమని చెప్పి, భార్యను పక్కకు తీసుకెళ్లాడు. ఆ తర్వాత ఏం జరిగిందో ఎవరికీ తెలియదు కానీ, ఇంటికి తిరిగి వచ్చిన భార్యకు కనిపించిన దృశ్యం ఆమెను షాక్‌కు గురిచేసింది.
పిల్లలు ఆడుకునే గదిలో రక్తపు మడుగులు.. బకెట్‌లో తెగిన చేతులు, తలలు.. భర్త ఉరి వేసుకుని వేలాడుతూ కనిపించాడు. ఒక్కసారిగా ఆ తల్లి గుండె పగిలినంత పనైంది. తన కళ్ల ముందే అంత ఘోరం జరగడంతో ఆమె స్పృహ కోల్పోయింది. స్థానికులు వెంటనే పోలీసులకు సమాచారం అందించారు.
పోలీసులు సంఘటనా స్థలానికి చేరుకుని పరిశీలించగా, చంద్రశేఖర్ సూసైడ్ నోట్ రాసినట్లు గుర్తించారు. అందులో, "ప్రస్తుత పోటీ ప్రపంచంలో పిల్లలు రాణించలేకపోతున్నారని, అందుకే వారిని చంపి తాను కూడా చనిపోతున్నాను" అని రాసి ఉంది. ఈ మాటలు చదివిన పోలీసులు సైతం ఒక్కసారిగా విస్తుపోయారు. ఇంతటి దారుణానికి కారణం పోటీ ప్రపంచమా? లేక మరేదైనా కారణం ఉందా అని పోలీసులు లోతుగా దర్యాప్తు చేస్తున్నారు.
ఈ ఘటన స్థానికంగా తీవ్ర విషాదాన్ని నింపింది. కన్న కూతుళ్లనే చంపుకున్న ఆ తండ్రి రాక్షసుడా? లేక పరిస్థితులే అతన్ని అలా మార్చేశాయా? అన్న ప్రశ్నలు ఇప్పుడు ప్రతి ఒక్కరిలోనూ తలెత్తుతున్నాయి. పూర్తి వివరాలు పోలీసుల దర్యాప్తులో తేలనున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి