ఇంత వరకూ బాగానే ఉంది. కానీ ఇప్పుడు మరో సంచలన విషయం వెలుగులోకి వస్తోంది. అదేంటంటే.. షర్మిల ఏపీలో కూడా తన పార్టీని విస్తరించే అవకాశాలు ఉన్నాయట. ఈ మేరకు ఆమె భర్త బ్రదర్ అనిల్ కుమార్ పావులు కదుపుతున్నారట. ఆయన ఇప్పటికే ఆంధ్రాలోని క్రైస్తవ నాయకులతో చర్చలు జరుపుతున్నారన్న వార్తలు కలకలం సృష్టిస్తున్నాయి. దీనికి తోడు గురువారం నాటి నిరాహార దీక్షలో తన అన్న జగన్ కు చెందిన సాక్షి’ మీడియా పై ఆమె లైవ్‌ జరుగుతుండగానే చేసిన కామెంట్స్ కలకలం సృష్టించాయి. కవరేజ్ చేసింది చాల్లేమా... ఎలాగూ ‘సాక్షి’ మా కవరేజ్ ఇవ్వదుగా అంటూ షర్మిల కామెంట్ చేశారు.
ఈ ఘటన చిన్నదే అయినా.. దీంతో జగన్, షర్మిల మధ్య విబేధాలు బయటపడినట్టయింది. దీనికి తోడు తూర్పు గోదావరి జిల్లాకు చెంది దళిత క్రైస్తవ నాయకులు ఇటీవల సోషల్ మీడియాలో పెట్టిన పోస్ట్ మరింత కలకలం సృష్టిస్తోంది. సోషల్ మీడియాలో యాక్టివ్‌గా ఉండే మహాసేన అనే సంస్థ నాయకుడు రాజేష్ సరిపెళ్ల తన బృందంతో కలిసి వైఎస్ షర్మిల భర్త బ్రదర్ అనిల్‌తో భేటీ అయ్యారట. అప్పుడే ఆంధ్రప్రదేశ్‌లోనూ షర్మిల పార్టీ ఏర్పాటుపై చర్చించారట.
మహాసేన నాయకుడు రాజేష్ బ్రదర్ అనిల్ ముందు ఈ ప్రతిపాదన ఉంచారట. దీనికి బ్రదర్ అనిల్ దీనికి కాస్త సమయం కావాలని చెప్పారట. ఈ విషయాన్ని రాజేశ్ వెల్లడించారు. ఈ మహాసేన సంస్థ 2019 ఎన్నికల సమయంలో వైసీపీకి మద్దతు ఇచ్చింది. కానీ జగన్ అధికారంలోకి వచ్చాక ఆయనకు యాంటీ అయ్యింది. అలాంటి సంస్థ నాయకుడితో బ్రదర్ అనిల్ భేటీ కావడం.. ఏపీలో షర్మిల పార్టీ గురించి చర్చించడం చర్చనీయాంశాలుగా మారుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి