భారత్ దేశం ఊపిరి ఆగుతోంది.. కరోనా కారణంగా ఊపిరితిత్తుల్లో సమస్యలతో ఊపిరి ఆడని అనేక మంది ఆక్సిజన్ సౌకర్యం లేక ప్రాణాలు కోల్పోతున్నారు. దేశంలోని పలు ఆస్పత్రుల్లో ఆక్సిజన్ కొరత వేధిస్తోంది. ఆక్సిజన్ కొరత తీర్చేందుకు ఆలస్యంగా మేలుకున్న కేంద్రం ఓ భారీ ప్రణాళిక సిద్ధం చేసింది.  విదేశాల నుంచి భారీగా ఆక్సిజన్‌ కాన్సన్‌ట్రేటర్లను  రప్పిస్తోంది. విదేశాల్లోని కాన్సన్‌ట్రేటర్లను ఎయిరిండియా ద్వారా వాయుమార్గంలో కేంద్రం రప్పిస్తోంది.

మొత్తం వారం రోజుల్లో  భారత్‌కు 10,636 కాన్సన్‌ట్రేటర్లు రాబోతున్నాయని కేంద్ర విమాన యాన శాఖ ప్రకటించింది. ఇప్పటికే అమెరికా నుంచి 636 కాన్సన్‌ట్రేటర్లు బయల్దేరినట్టు చెబుతోంది. ఈ పరికరాలన్నీ ఇండియాకు చేరితే ఆక్సిజన్ కొరత చాలా వరకూ తీరుతుందని భావిస్తున్నారు. మన దేశంలో కరోనా సెకండ్ వేవ్‌ పీక్స్ లో ఉంది. దేశంలో రోజూ 3 లక్షలకు పైగా కేసులు నమోదవుతున్నాయి. రోజువారీ మరణాల సంఖ్య కూడా 3 వేలకు చేరుకుంటోంది.  అనేక రాష్ట్రాలు మినీ లాక్‌డౌన్లు, నైట్ కర్ఫ్యూల వంటి ఆంక్షలు పెడుతున్నాయి.

అనేక చోట్ల రోగులకు ఆక్సీజన్ కొరత ఏర్పడుతోంది. అనూహ్యంగా ఏర్పడిన ఈ ఆక్సిజన్ కొరతను అధిగమించేందుకు దేశం తీవ్రంగా శ్రమిస్తోంది. అందుబాటులో ఉన్న అన్ని మార్గాలు అన్వేషిస్తోంది. ఇప్పటికే భారత్ కరోనా రాజధానిగా మారి ప్రపంచం దృష్టిలో కూడా పడింది. భారత్ కు సాయం కోసం అనేక దేశాలు ముందుకొస్తున్నాయి. ఆక్సిజన్ నిల్వలు, కాన్సన్‌ట్రేటర్లు, ఇతర వైద్య పరికరాలు అందిస్తామని ముందుకు వస్తున్నాయి.

కేంద్రం ప్రణాళిక ప్రకారం మొత్తం వారం రోజుల్లో  భారత్‌కు 10,636 కాన్సన్‌ట్రేటర్లు వస్తే.. సమస్య చాలా వరకూ పరిష్కారం అయ్యే అవకాశం కనిపిస్తోంది. ప్రస్తుతానికి మన దేశంలోని ఆక్సిజన్ ఉత్పత్తి వనరులను పూర్తి స్థాయిలో వినియోగిస్తున్నారు. పారిశ్రామిక వినియోగాన్ని పూర్తిగా నిలిపి జనం ప్రాణాలు కాపాడడటంపైనే దృష్టి సారిస్తున్నారు. మరి ఈ ప్రణాళిక ఫలిస్తుందా.. భారత్ ఊపిరి పీల్చుకుంటుందా.. చూడాలి.


మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

oxygen-problem mini american samoa central government master

Chakravarthi Kalyan

28/04/2021 08:00 AM