శుశ్రుతుడు మన భారతీయ ఋషి. ఆయన శస్త్ర చికిత్సకు ఆది పురుషుడు. ఆయన వేదాల్లో చెప్పినట్లు కత్తి గాటు పడినప్పుడు దానిని శరీరంలో కలిసేలా ఎలా కుట్లు వేయాలి, ఎలా కలపాలి అనే విషయం ఆయన పురాతన గ్రంథాల్లో ప్రస్తావించినట్లుగా తెలుస్తుంది. ఆ గ్రంథాలను బ్రిటిష్ వారు నాశనం చేసి, మన విజ్ఞానాన్ని దొంగిలించి అదేదో తమ సొంత విజ్ఞానం అన్నట్లుగా ప్లాస్టిక్ సర్జరీకి తామే అద్యులము అన్నట్లుగా చూపించుకుంటూ వచ్చారన్న వాదన ఉంది.
మొదటి ప్రపంచ యుద్ధంలో అంటే 1914-18 సంవత్సరాల మధ్యలో ఈ ప్లాస్టిక్ సర్జరీ అనేది బాగా ఉపయోగపడింది అని తెలుస్తుంది. మొదట్లో ఈ ప్లాస్టిక్ సర్జరీ అనే విధానాన్ని రీకన్స్ట్రక్షన్ అనే పేరుతో పిలిచేవారు అని తెలుస్తుంది. ఇదివరకు ఏదైనా ప్రమాదంలో శరీరానికి గాయం జరిగినప్పుడు ముఖంలో గాని, ఇతర శరీర భాగాల్లో గాని, ఆ శరీర భాగాలను యధాతధంగా గతంలో ఉన్నట్లుగా చేసుకుంటూ వచ్చేవారు.
అయితే అది రాను రాను శరీర భాగాల అందాలను పెంచుకునే పద్ధతిలో వాడుతున్నారు. దివంగత సినీ తార శ్రీదేవి తన ముక్కును సర్జరీ చేయించుకోవడం అప్పట్లో ఒక సంచలనంగా నిలిచింది. ఆ తర్వాత అనేకమంది ఈ ప్లాస్టిక్ సర్జరీని ఆ విధంగా వాడుతున్నట్లుగా తెలుస్తుంది. ఆ తర్వాత లైపో సక్షన్ ద్వారా శరీర లావును తగ్గించుకునే విధానం ద్వారా జూనియర్ ఎన్టీఆర్ స్లిమ్ అయిన విషయం కూడా తెలిసిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి