అమరావతి రాజధాని పేరుతో రైతుల భూముల్ని బలవంతంగా లాక్కొని రియల్ ఎస్టేట్ వ్యాపారాన్ని రూ. వేలకోట్లకు పెంచుకున్న బడా వ్యాపారులు, రాజకీయ నాయకులు తమ సర్వ శక్తులు ఒడ్డి జగన్ ను విశాఖ రిషికొండ వెళ్లకుండా ఆపేందుకు యత్నిస్తున్నారు. ఒకవేళ జగన్ సర్కారు గద్దె దిగితే తమ కు రూట్ క్లియర్ అవుతుందని వారు భావిస్తున్నారు. మరి అప్పటి వరకు..
ఒకవేళ జగన్ రిషికొండకు వెళ్తే పరిస్థితులు అన్నీ మారిపోతాయి. జూన్ నాటికి విభజన చట్టం పూర్తవుతుంది. ప్రస్తుత ఏపీ రాజధాని హైదరాబాద్. ఏపీ అసెంబ్లీలో తీర్మానం చేసినా అమరావతే ఏపీ రాజధాని ప్రకటిస్తే హైదరాబాద్ పై హక్కులు వదులుకోవాల్సి ఉంటుందని భావించి టీడీపీ ప్రభుత్వం ఆ మేరకు కేంద్రంతో నోటిఫైడ్ చేపించలేదు. ఇప్పుడు జగన్ దీనిని ఆసరాగా తీసుకొని రిషికొండకు పరిపాలనను షిప్ట్ చేసే పనిలో పడ్డారు. ఇప్పుడు జగన్ విశాఖను పరిపాలన రాజధానిగా అసెంబ్లీలో తీర్మానం ప్రకటించి హోం శాఖ ద్వారా నోటిఫైడ్ చేపిస్తే దానిని మార్చడానికి అవకాశం ఉండదు.
అందుకే టీడీపీ నేతలు రిషికొండపై పలు ప్రజా ప్రయోజన వ్యాజ్యాల కింద పిటిషన్లు దాఖలు చేపిస్తున్నారు. తాజాగా పర్యావరణ అంశం కూడా పక్కకు వెళ్లింది. ఆ పిటిషన్ కొట్టేస్తూ కోర్టు ఉత్తర్వులు జారీ చేసింది. తాజాగా రిషికొండ తవ్వకాలపై మరో పిటిషన్ దాఖలు చేశారు. దీనిని ఈ నెల 27కి వాయిదా వేశారు. ఈలోపు జగన్ వైజాగ్ వెళ్తే ఆయనకు తిరుగుండదు. లేకపోతే మాత్రం సమస్యలు ఎదుర్కోవాల్సి ఉంటుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి