రాష్ట్రంలో ఇది చరిత్రాత్మక దినం అని రాజ్యసభ సభ్యుడు అనిల్ కుమార్ యాదవ్ అంటున్నారు. రాజ్యసభ సభ్యుడుగా ఎన్నికైన తర్వాత అసెంబ్లీలో నియామక పత్రాన్ని తీసుకున్న అనిల్ కుమార్ యాదవ్ ఆ తర్వాత భారీ ర్యాలీగా గాంధీభవన్‌కు వచ్చారు. తొలుత భారీ కాన్వాయ్‌తో బాణసంచా కాల్చుతూ నృత్యాలు చేస్తూ పెద్ద ఎత్తున ర్యాలీ నిర్వహించారు. గాంధీభవన్‌లో అనిల్ కుమార్ యాదవ్కు ఘనస్వాగతం లభించింది. ఈ కార్యక్రమంలో ఎమ్మెల్యే బీర్ల ఐలయ్య, పీసీసీ కార్యనిర్వాహక అధ్యక్షుడు అంజన్ కుమార్ యాదవ్, ఇతర నాయకులు పెద్ద ఎత్తున పాల్గొన్నారు.
కాంగ్రెస్ అధిష్టానం తమ సామాజిక వర్గానికి గొప్ప అవకాశం కల్పించిందని అనిల్ కుమార్ యాదవ్ అన్నారు. చిన్న వయసులో కాంగ్రెస్ తనకు అధిష్టానం పెద్ద పదవి ఇచ్చిందని అనిల్ కుమార్ యాదవ్ అన్నారు. ఇది నా జీవితంలో గొప్ప సంఘటన అని అనిల్ కుమార్ యాదవ్ ఆనందం వ్యక్తం చేశారు. ఏఐసీసీ అగ్రనేతలుతోపాటు తెలంగాణ అగ్రనేతలకు హృదయపూర్వక కృతజ్ఞతలు తెలుపుతున్నట్లు అనిల్ కుమార్ యాదవ్ తెలిపారు. తెలంగాణలో ఒక బీసీ బిడ్డని పెద్దల సభకు పంపుతున్నారంటే ఇది బీసీలందరికీ గర్వకారణం అని అనిల్ కుమార్ యాదవ్ చెప్పారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి