జగన్ మరోసారి అధికారంలోకి వస్తామని చెప్పి ఊరుకోలేదు. ఈ సారి మరింత రీ సౌండ్ తో పవర్ ఫుల్ గా వస్తామని చెప్పి కార్యకర్తల్లో జోష్ నింపారు. ఈ సారి వైసీపీ విజయాన్ని దేశమంతా చూస్తుంది. షాక్ తింటుంది అని ఆయన అన్నారు. జగన్ ది అంత సులభంగా స్టేట్ మెంట్ ఇచ్చే మనస్తత్వం కాదు. ఆయన ఒక మాట చెప్పినా దాని వెనుక చాలా ఎక్సర్ సైజ్ ఉంటుంది. మరి జగన్ మూడు రోజుల పాటు అన్ని రకాలైన నివేదికలు తెప్పించుకున్నారని పలువురు అంటున్నారు.
అదే విధంగా పోలింగ్ సరళిపై కూడా పార్టీ నేతలతో మాట్లాడారని.. ఓటింగ్ జరిగిన తీరుతో పాటు జనాల రియాక్షన్ వివిధ వర్గాల నుంచి వచ్చిన ఫీడ్ బ్యాక్ అన్నీ కలగలపి ఆయన వైసీపీకే మరోసారి అధికారం అన్న నిర్ణయానికి వచ్చారు అని విశ్లేషకులు అభిప్రాయపడుతున్నారు. అయితే గతంలో గెలిచిన 151 సీట్లు, 22 ఎంపీ సీట్లకు మించి ఈ సారి వాటికన్నా ఒకటి ఎక్కువగానే ఉంటుంది తప్ప తక్కువ ఉండదు అని జగన్ నిబ్బరంగా ప్రకటించారు. మరి దీని వెనుక ఉన్న జగన్ లెక్క ఏంటనేది ఇప్పుడు రాజకీయ వర్గాల్లో చర్చనీయాంశంగా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి