అయితే జగన్ హయాంలో ఈ ఐఏఎస్‌, ఐపీఎస్‌లు పరిస్థితి దారుణంగా ఉండేదట. ఐఏఎస్‌, ఐపీఎస్‌ అధికారులు అయివుండి కూడా వారు చాలా దిగజారి పోయారట. జగన్ పాలనలో ఒక రకమైన భయానక వాతావరణం ఉండేదట. మనసులో మాట చెప్పుకోవడానికి కూడా ఈ ఐఏఎస్‌, ఐపీఎస్‌లు సాహసించలేకపోయారట. భయం గుప్పిట్లో మనసు చంపుకొని పనిచేశారట. ఇదంతా ఓ ఐఏఎస్‌ అధికారి ఓ పత్రికాధిపతికి చెప్పుకున్న బాధ. దీన్ని బట్టి చూస్తే జగన్మోహన్‌రెడ్డితో పాటు ఆయన కోటరీలో ఉన్న వారి విపరీత మనస్తత్వాల వల్ల అధికార యంత్రాంగం కుళ్లిపోయిందంటున్నారు సదరు పత్రికాధిపతి.
జగన్‌రెడ్డి మళ్లీ అధికారంలోకి వస్తారని నమ్మి ఈ ఐఏఎస్‌, ఐపీఎస్‌లు అడ్డగోలు పనులు చేశారట. జరిగిందేదో జరిగిపోయింది ఇప్పుడు అదంతా ఎందుకు అంటారా.. ఇప్పుడు ఈ కుళ్లిపోయిన అధికార యంత్రాంగంతోనే పాపం చంద్రబాబు పని చేయించుకోవల్సివస్తోందట. ఏ అధికారి ఎంతగా చెడిపోయాడో అంటూ తెగ ఫీలైపోతున్నారా పత్రికాధిపతి. చంద్రబాబు ఇటీవల అధికారుల ఎంపికలో కొన్ని తప్పులు జరిగాయని... అయితే చంద్రబాబుకు ఆప్షన్లు తక్కువగా ఉన్నాయని ఆ పత్రికాధిపతి అంటున్నారు.
గతంలో సమర్థులుగా పేరు తెచ్చుకున్న అధికారులను కూడా ఈ ఐదేళ్లలో జగన్ చెడగొట్టేశారట. పాపం చంద్రబాబుకు వేరే ఆప్షన్లు లేక కొందరికి మంచి పోస్లులు ఇవ్వాల్సి వచ్చిందట. అయితే ముఖ్యమంత్రిగా చంద్రబాబు తీసుకున్న నిర్ణయాలు, చేసిన ఎంపికలపై తెలుగు తమ్ముళ్లు నిరసన వ్యక్తం చేస్తున్నారట.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి