పథకాలు నేరుగా ప్రజల ఇంటికి చేరేందుకు ఓ కొత్త వ్యవస్థ అవసరమని భావించాడు. అందుకే వాలంటీర్ వ్యవస్థ ఏర్పాటు చేశాడు. అది సూపర్ సక్సస్‌ అయ్యింది. జనం ఇంటికి పథకాలు చేరాయి. ఏ పథకం రావాలన్నా వాలంటీర్‌ను కేకేస్తే వచ్చేస్తుంది. ఏ సర్టిఫికెట్ కావాలన్నా వాలంటీర్‌కు ఫోన్‌ చేస్తే వచ్చేస్తుంది. ఏ సమస్య ఉన్నా.. వాలంటీర్‌ను ఫోన్‌ కొడితే తీరిపోతుంది. నిజంగానే ఈ వాలంటీర్ వ్యవస్థ ప్రజలకు తెగ నచ్చేసింది. అహా ఓహో అనుకున్నారు.
మరి ఇంత చేస్తే.. జనం ఖుషీగా ఉంటే.. మరి ఓట్లు రాలాలి కదా.. కానీ.. ఓట్లు చూస్తే చరిత్రలోనే ఏ నేతకూ దక్కని తిరస్కరణ ఎదురైంది. ఏకంగా 160పైగా స్థానాల్లో జగన్ పార్టీని చిత్తుగా ఓడించారు. మరి ఎందుకు ఇలా జరిగిందని ఆలోచిస్తే ఎన్నో కారణాలు. వాటిలో ముఖ్యంగా కనిపించేది ఈ వాలంటీర్ వ్యవస్థ. అదేంటి జనానికి మేలు చేసిన వ్యవస్థతో ఇబ్బందులేంటి అంటే అక్కడే ఉంది మ్యాజిక్కు. వాలంటీర్ల విషయంలో జగన్ ఓ చిన్న లాజిక్ మిస్సయ్యాడు. అదే జగన్ కొంప ముంచింది.
గతంలో ప్రజలకు ఏదైనా సమస్య వస్తే.. అధికారంలో ఉన్న పార్టీ నాయకుడి దగ్గరకు వెళ్లేవాడు. వాళ్లు ఆ పని చేసి పెట్టేవాళ్లు..దాంతో ఆ పార్టీ నేతలకు పరపతి పెరిగేది. కానీ వాలంటీర్లు వచ్చేశాక ఆ సీన్ మారిపోయింది. పార్టీ నేతలకు గుర్తింపు లేకుండా పోయింది. దాంతో.. వాళ్లు తీవ్ర అసంతృప్తికి లోనయ్యారు. ఎన్నికల్లో దెబ్బేశారు. చివరి రోజుల్లో వాలంటీర్లతో రాజీనామాలు చేయించడం కూడా బెడిసికొట్టింది. దీంతో ప్రజలకు ఎంతో అనుకూలంగా ఉన్న ఓ వ్యవస్థ జగన్కు ప్రతికూలంగా మారింది. ఇదెలా ఉందంటే.. ఆపరేషన్‌ సక్సస్‌.. పేషెంట్‌ డెడ్‌ అన్నట్టుగా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి