తెలంగాణ రాష్ట్ర రాజకీయాల్లో కాంగ్రెస్, బీఆర్ఎస్ పార్టీలు నువ్వా నేనా అన్నట్లుగా తలపడుతున్నాయి. ముఖ్యంగా రేవంత్, కేటీఆర్ మధ్య మాటల యుద్ధం నడుస్తూనే ఉంది. నిత్యం కేటీఆర్ రేవంత్‌పై మండిపడుతూనే ఉన్నారు. దానికి రేవంత్ కూడా అదే స్థాయిలో బదులిస్తూ వస్తున్నారు. ఇటు ట్విట్టర్‌లోనూ ఇద్దరి మధ్య ట్వీట్ల యుద్ధం కొనసాగుతోంది.
బీఆర్ఎస్ పార్టీలో కేటీఆర్ వైఖరిపై మరోసారి చర్చ మొదలైంది. కేటీఆర్ అసలు ఏం చేస్తున్నారా అన్న ప్రశ్నలు వినిపిస్తున్నాయి. కాంగ్రెస్ పార్టీని టార్గెట్ చేయాల్సిన కేటీఆర్.. కేవలం రేవంత్‌ను మాత్రమే టార్గెట్ చేస్తున్నారన్న టాక్ నడుస్తోంది. రేవంత్‌ను పక్కన పెడితే కాంగ్రెస్ పని అయిపోతుందని అనుకుంటున్నారని తెలుస్తోంది. ఒకవేళ రేవంత్ తప్పకుంటే వెంటనే కాంగ్రెస్‌తో జతకట్టాలని కేటీఆర్ భావిస్తున్నారా అన్న టాక్ కూడా వినిపిస్తోంది.
కేటీఆర్ పదే పదే ట్వీట్లు చేస్తూ రాహుల్ గాంధీని ట్యాగ్ చేసి కాంగ్రెస్‌తో దోస్తీకి ఓకే అన్నట్లుగా ప్రవర్తిస్తున్నారన్న ప్రచారం ఊపందుకుంది. నిత్యం కాంగ్రెస్ నేత రాహుల్‌కు ట్యాగ్ చేసి పార్టీ పరువు తీస్తున్నారని సొంత పార్టీ నేతలు అభిప్రాయపడుతున్నారు. రేవంత్ ఇమేజ్‌ను హైకమాండ్ వద్ద తక్కువ చేయాలనుకుంటున్న కేటీఆర్ చేస్తున్న ప్రయత్నాలు అన్నీఇన్నీ కావు.
కేటీఆర్ చేస్తున్న ప్రతీ ట్వీట్‌లోనూ కాంగ్రెస్‌ను కాపాడుకొచ్చే ప్రయత్నాలే జరుగుతున్నాయి తప్పితే ఎక్కడా కాంగ్రెస్‌ను ఢీకొడుతున్నట్లుగా పెద్దగా అనిపించడం లేదు. నిత్యం రేవంత్‌ను తప్పుపడుతూ హైకమాండ్‌కు ట్వీట్ చేస్తున్న కేటీఆర్‌కు.. రేవంత్ ప్రాముఖ్యత హైకమాండ్‌కు ఆ మాత్రం తెలియదా..? ఆ మాత్రం ప్రియారిటీ లేకుండానే రేవంత్‌ను ముఖ్యమంత్రిని చేశారా..? ఇన్నాళ్లుగా ముఖ్యమంత్రిగా కొనసాగిస్తున్నారా..? అన్నది ఆ మాత్రం కేటీఆర్‌కు ఎందుకు తెలియడం లేదు అన్నది అర్థం కాని పరిస్థితి.
ఇప్పటివరకు కేటీఆర్ చేసిన ప్రయత్నాలన్నీ రేవంత్‌కు ప్లస్ అయ్యాయి తప్పితే ఏ మాత్రం మైనస్ చేయలేదు. ఇప్పుడు రేవంత్ కుటుంబం ఏదో చేస్తుందంటూ ప్రకటనలు చేస్తున్నారు. సోదరుడు, అల్లుడు అంటూ ఏవేవో మాట్లాడుతున్నారు. కాంగ్రెస్ పార్టీలోని సీనియర్లతో పెద్దగా ఇబ్బంది కాదని, కేవలం రేవంత్‌తోనే వచ్చిన సమస్యల్లా అంటూ కేటీఆర్ భావిస్తున్నారట. అందుకే ఇప్పుడు ఆయన ఫ్యామిలీని రాజకీయాల్లోకి లాగే ప్రయత్నం చేస్తున్నారని టాక్ నడుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి