టీడీపీలో పునాదుల నుంచి ఉన్న నాయకుడు యనమల రామక్రిష్ణుడు. ఆయన చంద్రబాబుకు అత్యంత సన్నిహితుడు. రాజకీయ మేధావిగా గుర్తింపు పొందారు. ఆర్ధిక మంత్రిగా, స్పీకర్ గా మంచి పేరుంది. పొలిట్ బ్యూరోలో పెద్ద తలకాయగా ఉన్న యనమల రామకృష్ణుడు రాజకీయ జీవితం 42 ఏళ్ళు పై దాటింది. తన రాజకీయ జీవితంలో అయన ఎపుడూ పదవిలో లేకుండా ఖాళీగా ఉన్నది బహు తక్కువ. అనేక సార్లు అసెంబ్లీకి, రెండు సార్లు శాసనమండలికి ఎన్నిక అయ్యారు.
యనమల రాజకీయం మార్చి 30తో ముగియబోతోందా అన్న చర్చ అయితే ఉంది. ఆయన శాసనమండలి నుంచి ఎమ్మెల్సీగా రిటైర్ కాబోతున్నారు. మళ్లీ ఆయనకు అక్కడ బెర్త్ ఉంటుందా అంటే అది కూడా చెప్పలేని పరిస్థితి ఉంది. 2026లో రాజ్యసభ సీట్లు ఖాళీ అవుతున్నాయి. అందులో కూడా ఆయనకు ఒక చోటు ఉంటుందా అంటే అది కూడా డౌటే అంటున్నారు.
టీడీపీని దశాబ్దాల పాటు శాసించి పెద్ద నాయకుడిగా ఉన్న యనమల రాజకీయ జీవితం ఇలా అనుహ్యంగా ఆగిపోతుందా అంటే పరిణామాలు అలాగే ఉన్నాయి. ఇటీవల కాకినాడ పోర్ట్ గురించి మాట్లాడుతూ బీసీలకు అన్యాయం అని కొన్ని కీలక కులాలను ప్రస్తావించడంతో ఆయన చంద్రబాబుకు రాసిన బహిరంగ లేఖ కూడా సంచలనం అయింది. అధినాయకత్వంతో ఆయనకు గ్యాప్ అయితే వచ్చింది అని అంటున్నారు.
మొత్తం పరిణామాలను చూస్తే కనుక యనమల రాజకీయ జీవితానికి పెద్ద ఫుల్ స్టాప్ పడబోతోంది అని అంటున్నారు. యనమలకు పార్టీ ఎంతో గౌరవం ఇచ్చిందని ఆయనతో పాటు ఆయన కుటుంబ సభ్యులకు పదవులు ఇచ్చామని అయినా ఆయన హై కమాండ్ కి ఇబ్బంది పెట్టేలా ఇటీవల లేఖ రాయడం వల్లనే ఈ పరిస్థితి వచ్చింది అని అంటున్నారు. ఈ మొత్తం విషయాలను గమనిస్తే కనుక యనమలకు ఇక రిటైర్మెంట్ ఖరారు అనే అంటున్నారు.
యనమల ఇంతటి సుదీర్ఘ రాజకీయ జీవితంలో పార్లమెంట్ కి ఒకసారి అయినా వెళ్ళాలని అనుకున్నారు. రాజ్యసభ సభ్యునిగా చేయాలని భావించారు. అది ఇపుడు నెరవేర అవకాశాలు లేవని అంటున్నారు. మొత్తానికి చూస్తే ఈ సీనియర్ లీడర్ కి ఇక రెస్ట్ అనే అంటున్నారు. చూడాలి మరి ఇందులో నిజానిజాలు ఎంత వరకూ ఉన్నాయో.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి