ప్ర‌స్తుతం కంటికి క‌నిపించ‌ని క‌రోనా కోర‌ల్లో చిక్కుకుని ప్ర‌పంచ‌దేశాలు నానా ఇబ్బందులు ప‌డుతున్న సంగ‌తి తెలిసిందే. ఈ మ‌హ‌మ్మారి దెబ్బ‌కు అగ్ర‌రాజ్యాలు సైతం అత‌లాకుత‌లం అవుతున్నాయి. ఈ మ‌హ‌మ్మారి నుంచి బ‌య‌ట‌ప‌డేందుకు ఎన్ని ప్ర‌య‌త్నాలు చేసినా.. ప్ర‌యోజ‌నం ఉండ‌డం లేదు. ఇక ఈ కరోనా కష్టకాలంలో చాలా మంది తమ ఉద్యోగాలని కోల్పోయారు. మరికొంత మంది వేతనంలో కోతలు ఎదుర్కొంటున్నారు. అయితే ఇలాంటి స‌మ‌యంలో ప‌లు కంపెనీలు నిరుద్యోగుల‌ను ఆదుకునేందుకు ముందుకు వ‌స్తున్నాయి.

ఈ నేప‌థ్యంలోనే తాజాగా ఆయిల్ అండ్ నేచురల్ గ్యాస్ కార్పొరేషన్ లిమిటెడ్(ఓఎన్‌జీసీ) భారీ ఉద్యోగాల‌ను భ‌ర్తీ చేస్తూ నోటిఫికేష‌న్ విడుద‌ల చేసింది. ఈ నోటిఫికేష‌న్‌లో మొత్తం 4182 ఖాళీలు ప్ర‌క‌టించింది. ట్రేడ్, టెక్నీషియన్ అప్రెంటీస్ పోస్టులు ఉన్నాయి. వీటి పూర్తి వివ‌రాలు ఇలా ఉన్నాయి. మొత్తం ఖాళీలు 4182 ఉండ‌గా.. అందులో సదరన్ సెక్టార్- 674, నార్తర్న్ సెక్టార్- 228, ముంబై సెక్టార్- 764, వెస్టర్న్ సెక్టార్- 1579, ఈస్టర్న్ సెక్టార్- 716 మ‌రియు సెంట్రల్ సెక్టార్- 221 ఖాళీలు ఉన్నాయి. దేశంలోని వేర్వేరు సెక్టార్లలో 21 కేంద్రాల్లో ఈ పోస్టులున్నాయి.  

సదరన్ సెక్టార్‌లో కాకినాడ, రాజమండ్రిలో కూడా ఖాళీలు ఉన్నాయి. విద్యార్హత విష‌యానికి వ‌స్తే.. వేర్వేరు పోస్టులకు వేర్వేరు విద్యార్హతలున్నాయి. సంబంధిత విభాగంలో డిప్లొమా, డిగ్రీ, ఐటీఐ పాసైనవారు ద‌ర‌ఖాస్తు చేయొచ్చు. అలాగే ఈ పోస్టుల‌కు ద‌ర‌ఖాస్తు చేసుకునే అభ్య‌ర్థ‌ల వ‌య‌స్సు 18 నుంచి 24 ఏళ్లు ఉండాలి. ఎస్సీ ఎస్టీ అభ్యర్థులకు 5 ఏళ్లు, ఓబీసీ అభ్యర్థులకు 3 ఏళ్లు వయస్సులో సడలింపు ఉంటుంది. ఇక ఈ పోస్టులకు దరఖాస్తు ప్రక్రియ ఇప్పటికే స్టాట్ అయింది. ద‌ర‌ఖాస్తు చేయడానికి 2020 ఆగస్ట్ 17 చివరి తేదీగా ఆయిల్ అండ్ నేచురల్ గ్యాస్ కార్పొరేషన్ లిమిటెడ్ నోటిఫికేష‌న్‌లో వెల్ల‌డించింది. ఇక ఈ నోటిఫికేషన్‌కు సంబంధించిన పూర్తి వివరాలను https://www.ongcindia.com/ వెబ్‌సైట్ ఓపెన్ చేసి తెలుసుకోవచ్చు. కాగా, అస‌క్తిగ‌ల అభ్య‌ర్థులు నోటిఫికేష‌న్ పూర్తి వివ‌రాల‌ను తెలుసుకుని ద‌ర‌ఖాస్తు చేసుకోవ‌లెను.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

ongc recruitment 2020 notification mumbai scheduled caste scheduled tribes 2020 diploma degree kakinada

Kavya Nekkanti

30/07/2020 02:00 PM