చైనాలోని వూహాన్ న‌గ‌రంలో పుట్టుకొచ్చిన క‌రోనా వైర‌స్ అన్ని రంగాలపై తీవ్ర ప్ర‌భావం చూపుతున్న సంగ‌తి తెలిసిందే. చిన్నా, పెద్ద అని తేడా లేకుండా అన్ని వ్యాపారాల‌పై దెబ్బ కొట్టింది. ఈ క్ర‌మంలోనే దేశాల‌ ఆర్థిక వ్య‌వ‌స్థ‌లు చిన్నాభిన్నం అయ్యాయి. ల‌క్ష‌ల మంది ఉపాధి కోల్పోయి రోడ్డున ప‌డుతున్నాయి. అయితే ఇలాంటి స‌మ‌యంలో కేంద్ర హోం శాఖ 1522 కానిస్టేబుల్ ఉద్యోగాలను భర్తీ చేయనంద‌ని వెల్ల‌డించింది.  డ్రైవర్, ల్యాబ్ అసిస్టెంట్, వెయిటర్, కార్పెంటర్, ప్లంబర్, గార్డెనర్ లాంటి ట్రేడ్స్‌లో ఈ కానిస్టేబుల్ పోస్టులున్నాయి.

వీటి పూర్తి వివ‌రాలు చూస్తే.. మొత్తం 1522 ఖాళీల్లో డ్రైవర్- 574, ల్యాబ్ అసిస్టెంట్- 21, వెటర్నరీ- 161, ఆయా (మహిళలు)- 5, కార్పెంటర్- 3, ప్లంబర్- 1, బార్బర్ మేల్- 75, బార్బర్ ఫీమేల్- 12, సఫాయివాలా మేల్- 89, సఫాయివాలా ఫీమేల్- 28, వాటర్ క్యారియర్ మేల్- 101, వాటర్ క్యారియర్ ఫీమేల్- 12, వెయిటర్ మేల్- 1, పెయింటర్- 12, టైలర్- 20, కోబ్లర్- 20, గార్డెనర్- 9, కుక్ మేల్- 232, కుక్ ఫీమేల్- 26, వాషర్‌మ్యాన్ మేల్- 92 మ‌రియు వాషర్‌మ్యాన్ ఫీమేల్- 28 పోస్టులు ఉన్నాయి. వేర్వేరు పోస్టులకు వేర్వేరు విద్యార్హతలున్నాయి.

వేతనం విష‌యానికి వ‌స్తే.. రూ.21700 నుంచి రూ.69100 వ‌ర‌కు ల‌భిస్తుంది. ఈ పోస్టుల‌కు ద‌ర‌ఖాస్తు చేయాలంటే.. జనరల్, ఈడబ్ల్యూఎస్, ఓబీసీ అభ్య‌ర్థులు రూ.100 ఫీజ‌లు చ‌ల్లించాల్సి ఉంటుంది. అయితే ఎస్సీ, ఎస్టీ, ఎక్స్‌సర్వీస్‌మెన్, మహిళలు మాత్రం ఎలాంటి ఫీజు చ‌ల్లించాల్సిన అవ‌స‌రం లేదు. కాగా, ఈ పోస్టులకు త్వరలో సశస్త్ర సీమా బల్(ఎస్ఎస్‌బీ) అధికారిక వెబ్‌సైట్ http://www.ssbrectt.gov.in/ లో దరఖాస్తు ప్రక్రియ ప్రారంభం కానుంది. డీటెయిల్డ్ నోటిఫికేషన్ ఎంప్లాయిమెంట్ న్యూస్ పేపర్‌‌లో విడుదలవుతుంది. ప్రకటన విడుదలైన ముప్పై రోజుల్లో దరఖాస్తు చేయాల్సి ఉంటుంది. కాబ‌ట్టి, కేంద్ర సాయుధ బలగాల్లో ఉద్యోగాలు కోరుకునేవారు ఈ అద్భుత అవ‌కాశాన్ని అస్స‌లు మిస్ కాకండి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

ssb constable recruitment 2020 chinna seema scheduled caste scheduled tribes driver

Kavya Nekkanti

11/08/2020 06:00 AM