బంగారం ధర ఓ వారం భారీగా పెరిగితే, మరో వారం భారీగా పతనం అవుతుంది. హైదరాబాద్ మార్కెట్‌లో బంగారం ధర పడిపోయింది. శనివారం 10 గ్రాముల 24 క్యారెట్ల బంగారం ధర ఏకంగా రూ.330 దిగొచ్చింది. దీంతో ధర రూ.51,140కు క్షీణించింది. అదేసమయంలో 22 క్యారెట్ల బంగారం ధర కూడా తగ్గింది. 10 గ్రాముల బంగారం ధర రూ.330 తగ్గుదలతో రూ.46,850కు పడిపోయింది.
పసిడి ధర పడిపోతే.. వెండి ధర కూడా ఇదే దారిలో నడిచింది. కేజీ వెండి ధర ఏకంగా రూ.500 పడిపోయింది. దీంతో ధర రూ.52,300కు దిగొచ్చింది. పరిశ్రమ యూనిట్లు, నాణేపు తయారీదారుల నుంచి డిమాండ్ మందగించడం ఇందుకు ప్రధాన కారణంగా చెప్పుకోవచ్చు. ఇక అంతర్జాతీయ మార్కెట్‌లో బంగారం ధర పెరిగింది. పసిడి ధర ఔన్స్‌కు 0.66 శాతం పైకి కదిలింది. దీంతో బంగారం ధర ఔన్స్‌కు 1812 డాలర్లకు చేరింది. బంగారం ధర పెరిగితే.. వెండి ధర కూడా ఇదే దారిలో నడిచింది. వెండి ధర ఔన్స్‌కు 0.83 శాతం పెరుగుదలతో 19.73 డాలర్లకు ఎగసింది.
దేశ రాజధాని ఢిల్లీ మార్కెట్‌లో కూడా పసిడి ధర పడిపోయింది. 22 క్యారెట్ల 10 గ్రాముల బంగారం ధర రూ.250 తగ్గింది. రూ.47,700కు క్షీణించింది. అదేసమయంలో 24 క్యారెట్ల 10 గ్రాముల బంగారం ధర కూడా ఇదే దారిలో పయనించింది. రూ.250 తగ్గుదలతో రూ.48,900కు దిగొచ్చింది. ఇక కేజీ వెండి ధర రూ.10 పెరుగుదలతో. రూ.52,810కు చేరింది.
ఇకపోతే బంగారం ధరపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి