వర్షాకాలం, చలికాలం వచ్చిందంటే చాలు ఎన్నో రకాల శ్వాస సంబంధ వ్యాధులు వస్తాయి.మనల్ని ఎంతగానో వేధిస్తుంటాయి.ముఖ్యంగా వీటిలో ఊపిరితిత్తుల ఇన్ఫెక్షన్స్, ఆస్థమా, న్యుమోనియా, దగ్గు ఇంకా బ్రాంకైటిస్ వంటివి చాలా ప్రధానమైనవి.ఈ జబ్బులు ఉన్న వాళ్లు చల్లని నీళ్లు తాగినా ఇంకా చల్లని వాతావరణంలో తిరిగినా సరిగ్గా ఊపిరి ఆడక బాగా ఇబ్బంది పడుతుంటారు. కాబట్టి ఊపిరితిత్తులను మనం ఎల్లప్పుడూ ఆరోగ్యంగా ఇంకా పరిశుభ్రంగా ఉంచుకోవాలి.కానీ ప్రస్తుత కాలంలో తీవ్రమైన కాలుష్యం కారణంగా ఇది అస్సలు సాధ్యం కావడం లేదు. కార్బన్ పదార్థాలు ముక్కు ద్వారా ఊపిరితిత్తుల్లోకి వెళ్లి చాలా రోగాలకు కారణమవుతున్నాయి. పైగా ఈ సమస్యలకు మందులు వాడడం వల్ల మనం చాలా దుష్ప్రభావాలను ఎదుర్కోవాల్సి వస్తుంటుంది. ఇక ఇలా ఊపిరితిత్తులకు సంబంధించిన సమస్యలతో బాధపడే వారు సహజ సిద్దంగా లభించే వామాకును వాడడం వల్ల ఖచ్చితంగా చాలా మంచి ఫలితం ఉంటుందని ఆరోగ్య నిపుణులు చెబుతున్నారు.వాము చెట్టు అనేది మందటి ఆకులతో ప్రతి నర్సరీలో కూడా లభిస్తుంది. ఆకు పచ్చని రంగులో ఉన్న ఈ ఆకులను ముట్టుకుంటే మంచి వామ వాసన వెదజల్లుతుంది. ఇక దీనిని నేరుగా కూడా తినొచ్చు.
వామాకులో థైమాల్, కార్వకాన్ అనే రసాయన సమ్మేళనాలు కూడా ఉంటాయి.ఇవి మన ఊపిరితిత్తుల్లో శ్లేష్మాలు ఎక్కువగా తయారవ్వడానికి కారణమయ్యే హిస్టమిన్స్ ఉత్పత్తిని తగ్గించడంలో బాగా సహాయపడతాయి. ఇంకా అంతేకాకుండా వామాకును వాడడం వల్ల ఊపిరితిత్తుల్లో ఇన్ఫెక్షన్ ల కారణంగా తలెత్తే ఇబ్బంది, చికాకు కూడా తగ్గుతుంది.అలాగే ఆస్థమా, బ్రాంకైటిస్, న్యుమోనియా వంటి సమస్యలతో బాధపడే వారు వామాకును వాడడం వల్ల ఆయా సమస్య నుండి చక్కటి ఉపశమనం కలుగుతుందని పరిశోధనల ద్వారా తెలిసింది. ఆస్థమా సమస్యతో బాధపడే వారికి ఇది చాలా చక్కగా సహాయపడుతుంది.ఇక ఇండ్లల్లో ఈ వామాకు మొక్కని తప్పకుండా ఉండాలి. వామాకును పచ్చడిగా చేసి తీసుకుంటే చాలా మంచి ఉపయోగం ఉంటుంది. ఇంకా అలాగే నీటిలో వామాకును వేసి మరిగించి ఆ నీటిని తాగవచ్చు. ఇంకా వంటల్లో కూడా వామాకును వాడుకుకోవచ్చు. ఏదో ఒక రూపంలో రోజూ గుప్పెడు వామాకును ఆహారంగా తీసుకోవడం వల్ల ఖచ్చితంగా ఊపిరితిత్తులకు సంబంధించిన సమస్యలు అన్ని తగ్గు ముఖం పట్టడంతో పాటు అవి మన దరి చేరకుండా ఉంటాయని ఆరోగ్య నిపుణులు చెబుతున్నారు.
మరింత సమాచారం తెలుసుకోండి:
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి