గోర్లను కొరకడం వల్ల చాలా దుష్ప్రభావాలు ఉన్నాయని నిపుణులు చెబుతున్నారు. ఎందుకంటే గోర్లలో ఉండే బ్యాక్టీరియా కడుపులోకి వెళ్తుందని అందరూ భావిస్తుంటారు. అయితే గోర్లను కొరకడం వల్ల దంతాలకు కూడా చాలా హాని కలుగుతుందని నిపుణులు చెబుతున్నారు. మనం గోరు కొరకడం వల్ల దంతాలు పగిలిపోయే అవకాశం ఉందని అమెరికన్‌ డెంటల్‌ అసోసియేషన్‌ చెబుతోంది. దీనివల్ల దంతాల మీద ఉండే రూట్ అనేది తొలగిపోతుంది. ఇది పళ్లు ఊడిపోవడానికి కారణమవుతుందని ఆరోగ్య నిపుణులు చెబుతున్నారు. ఇక గోడర్లను కొరకడం వల్ల వాటిలో ఉండే బ్యాక్టీరియా ఈజీగా నోటిలోకి చేరుతుంది. గోర్లలో కంటికి కనిపించని ఇకోలి ఇంకా సాల్మొనెల్లా వంటి ప్రమాదకరమైన బ్యాక్టీరియా ఉంటుంది. ఇది రోగాలు వ్యాపించడానికి కారణంగా మారుతుందని ఆరోగ్య నిపుణులు చెబుతున్నారు.ఈ బ్యాక్టీరియా గోర్ల నుంచి నోట్లికి వెళ్లడం వల్ల ఖచ్చితంగా పేగులకు వ్యాపిస్తుంది.


ఇది తీవ్రమైన జీర్ణాశయ వ్యాధులకు దారి తీస్తుందని ఆరోగ్య నిపుణులు చెబుతున్నారు. ఇక గోర్లు కొరికే అలవాటు ఉన్న వారిలో బ్రక్సిజమ అనే అలవాటుగా మారుతుందని ఆరోగ్య నిపుణులు చెబుతున్నారు. నిద్రలో పళ్లు కొరికే చెడ్డ అలవాటుగా మారుతుందని చెబుతున్నారు. దీంతో తలనొప్పి, ముఖం నొప్పి, చిగుళ్లు వాపు ఇంకా దంతాలు విరిగిపోవడం వంటి సమస్యలు వస్తాయని హెచ్చరిస్తున్నారు. పిల్లలు, యుక్త వయసు వాళ్లు గోరు కొరకడానికి చాలా ఎక్కువగా అవకాశం ఉంటుంది.కొన్ని అంచనాల ప్రకారం సుమారు 40 శాతం మంది పిల్లలు, యువకులు గోర్లు కొరుకుతున్నారు. గోర్లను కొరకడం అలవాటును తగ్గించుకోవడానికి కొన్ని టిప్స్ ఉన్నాయి. ఇందుకోసం మీ గోళ్లను చిన్నగా కత్తిరించాలి. చిన్న పిల్లల్లో ఈ అలవాటును మాన్పించడానికి ఏదైనా చేదు రుచి కలిగిన నెయిల్ పాలిష్‌ ని వేయాలి. ఎందుకంటే దీనివల్ల గోర్లు కొరకడం అలవాటు తగ్గుతుంది. ఇక గోర్లు కొరకాలనే ఆలోచన రాగానే చాక్లెట్ లాంటిది ఏదైనా తినడం వారికి అలవాటు చేసుకోవాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Health Tips

Purushottham Vinay

10/10/2023 10:39 PM