చైనా నుంచి ప్రపంచవ్యాప్తంగా పాగిపోయిన కరోనా వైరస్ ఏకంగా ఎంతోమంది ప్రాణాలను బలి తీసుకుంది అన్న విషయం తెలిసిందే. ఇక ఎన్నో కుటుంబాలను రోడ్డున పడే పరిస్థితిని తీసుకువచ్చింది. ఈ క్రమంలోనే కరోనా వైరస్ వెలుగులోకి వచ్చిన తర్వాత వచ్చిన లాక్ డౌన్ పరిస్థితులను గుర్తు చేసుకుంటే ఇప్పటికీ కూడా అందరు వెన్నులో వణుకు పుడుతూ ఉంటుంది. ఇక ఈ వైరస్ తగ్గింది అనుకునే లోపే మళ్ళీ కొత్త వేరియంట్లు వెలుగులోకి వస్తూ ఉన్నాయి. అయితే ఇక ఇప్పుడు మరో వైరస్ కు సంబంధించిన షాకింగ్ న్యూస్ సోషల్ మీడియాలో తెగ వైరల్ గా మారిపోయింది.
గబ్బిలాల నుంచే కరోనా వైరస్ వచ్చింది అని ఆరోపణలు ఉన్న వేళ.. ఇక ఇప్పుడు అదే గబ్బిలాల నుంచి మరో వైరస్ కూడా పుట్టుకొచ్చిందట. థాయిలాండ్ లో దీనిని శాస్త్రవేత్తలు గుర్తించారట. ఓ గుహలోని గబ్బిలాల ఎరువును రైతులు పంటల్లో ఉపయోగిస్తున్నారు. అయితే ఈ ఎరువు లోనే వైరస్ ఉన్నట్లు గుర్తించామని శాస్త్రవేత్తలు వెల్లడించారు. ఈ వైరస్ గబ్బిలాల నుంచి నేరుగా మనుషులకు సోకే అవకాశం కూడా ఉందట. అయితే ఈ వైరస్ కరోనా లాగే ఎంతో ప్రమాదకరమైనది అని హెచ్చరిస్తున్నారు శాస్త్రవేత్తలు. ఇక ఎంతో వేగంగా వ్యాపించే అవకాశం కూడా ఉందని చెబుతున్నారు. అయితే ఒక్క వైరస్ తోనే తట్టుకోలేకపోతున్నాం.. ఇప్పుడు మరో వైరస్ ఏంట్రా బాబు అని ఈ విషయం తెలిసి అందరూ తలలు పట్టుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి