కూల్ డ్రింక్స్‌ను తాగడం వల్ల రిఫ్రెష్ భావన కలుగుతుంది. కానీ అది కొద్దిసేపే. కానీ ఎక్కువ కాలం అనేక సమస్యలు ఎదుర్కోవాల్సి వస్తుంది. కూల్ డ్రింక్స్ ఎక్కువ తాగితే జీర్ణ సంబంధిత సమస్యలు వస్తాయి. అందువల్ల వికారం, విరేచనాలు వంటి సమస్యలు ఎక్కువయ్యే అవకాశాలు ఉంటాయి.ఇంకా అలాగే ఎముకలు గుల్లగా మారి బలహీనంగా తయారవుతాయి. చాలా త్వరగా లేదా సులభంగా ఎముకలు విరిగిపోయే అవకాశాలు ఉంటాయి. ఈ కూల్ డ్రింక్స్‌ను ఎక్కువగా తాగితే మన శరీరం మనం తినే ఆహారంలో ఉండే పోషకాలను సరిగ్గా శోషించుకోలేదు. దీంతో పోషకాహార లోపం అనేది వస్తుంది. ఇంకా అలాగే కడుపులో మంట, అసిడిటీ, గ్యాస్ సమస్యలు వస్తాయి.కూల్ డ్రింక్స్‌ను అతిగా తాగితే శరీరంలో సోడియం ఎక్కువగా చేరుతుంది. ఖచ్చితంగా ఇది కిడ్నీలపై భారం పడేలా చేస్తుంది. దీంతోపాటు బీపీ పెరుగుతుంది. ఇలా చాలా రకాల అనర్థాలు కలిగే అవకాశాలు ఉంటాయి. 


కాబట్టి కూల్ డ్రింక్స్‌ను తాగేటప్పుడు ఈ విషయాలను తప్పనిసరిగా గుర్తుంచుకోండి. లేదంటే ఖచ్చితంగా చేతులారా మీ ఆరోగ్యాన్ని మీరే పాడు చేసుకున్న వారు అవుతారు. ఆ తరువాత బాధపడీ ఎలాంటి ప్రయోజనం ఉండదు.కూల్ డ్రింక్స్‌లో కెఫీన్ అధికంగా ఉంటుంది. ఇది మన శరీరంలో విపరీత మార్పులకు కారణం అవుతుంది. ముఖ్యంగా నిద్ర పట్టకుండా చేస్తుంది. కూల్ డ్రింక్స్‌ను అతిగా తాగడం వల్ల నిద్రలేమి సమస్య వస్తుంది. రాత్రిపూట అసలు నిద్రించలేరు. అందువల్ల వీటికి దూరంగా ఉండాలి. ఇక ఈ డ్రింక్స్‌ను తాగడం వల్ల వాటిల్లో అధికంగా ఉండే చక్కెర మన శరీరంలోకి చేరుతుంది. ఇది డయాబెటిస్ ను కలగజేస్తుంది. దీంతోపాటు అధికంగా బరువు పెరిగే చాన్స్ ఉంటుంది. ఇది గుండె, లివర్‌కు ఏమాత్రం మంచిది కాదు. ఆయా భాగాలకు చెందిన జబ్బులు వచ్చే అవకాశాలు ఎక్కువగా ఉంటాయి.అందుకే కూల్ డ్రింక్స్‌ను ఎక్కువగా తాగడం అంత మంచిది కాదని వైద్యులు హెచ్చరిస్తున్నారు. కూల్ డ్రింక్స్ మన ఆరోగ్యానికి హాని చేస్తాయని, వీటిని ఎప్పుడో ఒకసారి అయితే ఫర్వాలేదు కానీ తరచూ తాగకూడదని వారు అంటున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Cool Drinks

Purushottham Vinay

25/06/2024 09:45 PM