ప్రపంచవ్యాప్తంగా సంభవిస్తున్న మరణాలకు అనేక కారణాలు ఉంటున్నాయి. అయితే ప్రధాన కారణాలలో క్యాన్సర్ ముందు వారి సెలవు నిలుస్తోంది. రొమ్ము, ఊపిరితిత్తులు, పెద్దప్రేగు , టెస్టిక్యులర్ ఇలా చెప్పుకుంటూ పోతే చాలా రకాల క్యాన్సర్లు ప్రజల ప్రాణాలను బలి తీసుకుంటున్నాయి. క్యాన్సర్ ఉన్నట్లు చాలామంది గుర్తించలేరు. అది ముదిరిన తర్వాతే బయటపడుతుంది. అప్పుడు చికిత్స తీసుకున్నా పెద్దగా ఫలితం ఉండదు. చనిపోయే అవకాశాలు ఎక్కువ. అందుకే క్యాన్సర్‌ను మొగ్గు దశలోనే గుర్తించాలి. కొన్ని సంకేతాలను గమనించడం ద్వారా క్యాన్సర్ ఉన్నట్లు తెలుసుకోవచ్చు. అవేవో చూద్దాం.

అలసట

క్యాన్సర్‌ రోగులలో అలసట కామన్‌గా కనిపించే లక్షణం. ఈ వ్యాధి బారిన పడ్డ వ్యక్తులు చాలా బలహీనంగా తయారవుతారు. మంచం నుంచి కూడా లేచి నిలబడలేరు. బాత్రూమ్‌కి వెళ్లలేరు, టీవీ రిమోట్ కూడా ఆపరేట్ చేయలేని దుస్థితికి చేరుకుంటారు. ఎంత ట్రై చేసినా ఈ అలసటను అధిగమించలేరు. చివరికి ఇది నొప్పి, వికారం, వాంతులు లేదా నిరాశను కూడా కలిగిస్తుంది.

వెయిట్ లాస్

క్యాన్సర్ ఉన్నవారు ఎలాంటి కారణం లేకపోయినా బరువు తగ్గుతారు. ఒకవేళ సడన్‌గా వెయిట్ లాస్ అయితే వెంటనే మెడికల్ చెకప్‌ చేయించుకోవడం మంచిది.

రొమ్ములో మార్పులు

చనుమొన లేదా రొమ్ములో మార్పులు కనిపించినా లేదా గుంతల లాగా పడినా, ఫ్లూయిడ్స్ డిశ్చార్జ్ అవుతున్నా  వెంటనే వైద్యుడిని సంప్రదించడం మంచిది. ఎందుకంటే ఇవి బ్రెస్ట్ క్యాన్సర్ లక్షణాలు. ఇతర ప్రైవేట్ పార్ట్స్ లో వాపు కనిపించినా అది వివిధ రకాల క్యాన్సర్లకు కారణమై ఉండొచ్చు. మూత్రం పోసేటప్పుడు నొప్పి కలిగినా కూడా చెక్ అప్ చేయించుకోవడం మంచిది.

కళ్లలో నొప్పి

కళ్లను ఎవరో పొడుస్తున్నట్టుగా తీవ్రమైన నొప్పి కలిగితే క్యాన్సర్ కణాలు శరీరంలో పెరుగుతున్నాయని అర్థం.

తరచుగా తలనొప్పి  

 పొద్దస్తమానం తలనొప్పి తీవ్రంగా బాధిస్తుంటే అది క్యాన్సర్ అయ్యి ఉండొచ్చు. ముఖ్యంగా బ్రెయిన్ ట్యూమర్ తో బాధపడుతున్న వారికి తలనొప్పి తరచుగా వస్తుంది.

శరీరంపై దద్దుర్లు కనిపించడం

బ్లడ్ క్యాన్సర్‌ లుకేమియా బారిన పడితే స్కిన్ ప్రాబ్లమ్స్ వస్తాయి. శరీరమంతా దద్దుర్లు ప్రత్యక్షమవుతాయి. భుజం చర్మం కింద ఉండే చిన్న రక్తనాళాలు చిట్టి పోవడం వల్ల ఈ సమస్య వస్తుంది.

బాధాకరమైన ఋతుస్రావం  

పీరియడ్స్ బ్లడ్ ఎక్కువగా వస్తున్నా, తీవ్రమైన నొప్పి  కలుగుతున్నా అది ఎండోమెట్రియల్ క్యాన్సర్ కు సంకేతం అయ్యుండొచ్చు కాబట్టి ఈ సమస్యలు వస్తుంటే డాక్టర్‌ను కలవడం మంచిది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Suma Kallamadi

04/08/2024 05:00 PM