అంతేకాకుండా చాలామంది ఉదయం నుంచి మధ్యాహ్నం వరకు పనిచేసి అలసిపోయి మధ్యాహ్నం నిద్రపోయి అలసటను తగ్గించుకోవచ్చు. మధ్యాహ్నం నిద్ర వల్ల మెదడు రిఫ్రెష్ అయ్యి చురుకుగా పనిచేస్తుందని చాలామంది ఆరోగ్య నిపుణులు చెబుతున్నారు. దీనివల్ల జ్ఞాపకశక్తి మరియు ఏకాగ్రత పెరుగుతాయి. ఒక గంటపాటు మధ్యాహ్నం నిద్ర పోవడం వల్ల రక్తపోటు సమస్య తగ్గుతుంది. దీనివల్ల భవిష్యత్తులో వచ్చే గుండె జబ్బులు వంటి సమస్యలను తగ్గించుకోవచ్చు. కొంతమందికి మధ్యాహ్నం సమయంలో నిద్ర పోవడం వల్ల రాత్రి సమయంలో నిద్రలేమి వంటి సమస్యలు వస్తాయి.
మధ్యాహ్నం అతిగా నిద్రపోవడం వల్ల బ్లడ్, షుగర్ లెవెల్స్ కంట్రోల్ లో ఉండవు. దీనివల్ల చాలామందికి మధుమేహ సమస్య ఉత్పన్నమయ్యే ప్రమాదం ఉంటుంది. అతిగా మధ్యాహ్నం నిద్ర పోవడం వల్ల మలబద్ధకం లాంటి సమస్యలు వస్తాయి. తిన్న వెంటనే పడుకోవడం వల్ల మధ్యాహ్నం జీర్ణప్రక్రియ మందగించడం జరుగుతుంది. చాలామంది వారు చేసే పని నుంచి అలసటను తగ్గించుకోవడానికి మధ్యాహ్న సమయంలో నిద్రిస్తూ ఉంటారు.
అయితే ఇందులో కొన్ని లాభాలు కొన్ని నష్టాలు కూడా ఉంటాయట. సాధ్యమైనంతవరకు మధ్యాహ్న సమయంలో ఒక అరగంట లేదా గంటపాటు మాత్రమే నిద్రించాలని అలా చేసినట్లయితే ఎలాంటి సమస్యలు ఉండవని... అంతకు మించి నిద్రించినట్లయితే అనేక రకాల అనారోగ్య సమస్యలు వస్తాయని వైద్య నిపుణులు సూచనలు చేస్తున్నారు. మరి ఇలాంటి నేపథ్యంలో... మధ్యాహ్నం నిద్ర పోయే వారు పైన చెప్పిన రూల్స్‌ పాటించాలని వైద్య నిపుణులు పేర్కొంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి