శాస్త్ర, సాంకేతికత ఎంతగా అందుబాటులోకి వచ్చినా మానవ మేధస్సుకు అందని ఎన్నో విషయాలు ఈ విశ్వంలో దాగి ఉన్నాయి. ముఖ్యంగా ఓ జీవి పుట్టుక, మరణం గురించి ఎవరూ చెప్పలేరు అన్న సంగతి మనకి తెలిసిందే. కానీ ఉత్తరాఖండ్ లోని ప్రాచీన శివాలయంలో జరిగిన ఈ విచిత్ర సంఘటన గురించి మీకు తెలిస్తే సంభ్రమాశ్చర్యాలకు లోనవుతారు. ఇక్కడ చనిపోయిన మనిషి మళ్లీ ప్రాణం పోసుకుంటాడు. దేవతలు నివసించే రాష్ట్రంగా పేరొందిన ఉత్తరాఖండ్ లోని డెహ్రాడూన్ జిల్లా చౌన్సర్ బావర్ అనే ప్రదేశంలోని లఖమండల్ లో ఓ ప్రాచీన దేవాలయం ఉంది. ఈ దేవాలయం చక్రతా నుంచి దాదాపు 107 కిలోమీటర్ల దూరంలో ఉంటుంది.
చుట్టూ పురాతన ఆలయాల శిధిలాలు, గుహల నడుమ ఉండే ఈ ఆలయంలో సాక్షాత్తు ఆ మహాశివుడు కొలువై ఉన్నాడనేది అక్కడి ప్రజల నమ్మకం. ఈ ఆలయ ప్రధాన ద్వారం వద్ద పశ్చిమం వైపున ఉన్న రెండు భవనాలు ( ద్వార పాలకులు) ఉన్నాయి. ఎవరైనా చనిపోయినా లేక చివరి ఘడియలలో ఉన్న వారిని వెంటనే ఈ రెండు విగ్రహాల ముందుకి తీసుకువస్తారు. వాటి ముందు ఆ మృతదేహాన్ని ఉంచి ఆలయ పూజారి శివలింగాన్ని అభిషేకించిన నీటిని తీసుకువచ్చి.. చనిపోయిన లేదా చివరి ఘడియల్లో ఉన్న వారి శరీరంపై చల్లితే ఆ వ్యక్తి తిరిగి జీవిస్తాడు అనేది ఇక్కడి స్థానికులు బలంగా నమ్ముతారు.
ఇందుకు సంబంధించి ఎన్నో ప్రత్యక్ష ఉదాహరణలు కూడా చూపిస్తారు. ఆ చనిపోయిన వ్యక్తి తిరిగి బ్రతికిన తరువాత ఆ మహా శివుని పేరుని స్మరిస్తూ గంగాజలాన్ని సేవిస్తారు. గంగాజలం సేవించిన తర్వాత ఆత్మ మళ్ళీ శరీరాన్ని విడిచిపెడుతుంది. అంటే అతను కొన్ని నిమిషాలకు మించి ఎక్కువసేపు జీవించలేడు. ఇలా జరగడం సాధ్యమేనా అంటే.. ఈ ఆలయంలో జరిగే అద్భుతమని అక్కడి వారు చెబుతున్నారు. అంతేకాదు ఈ దేవాలయాన్ని సందర్శించడం వల్ల దురదృష్టం పోయి ఎంతో అదృష్టం వరిస్తుందని చెబుతున్నారు. ఈ ఆలయంలో దానవ, మానవ అనే ప్రతిమలు ఉండగా.. ఈ ప్రతిమల వల్లే చనిపోయిన మనుషులు కొన్ని నిమిషాలపాటు తిరిగి బ్రతుకుతారని తెలుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి