అయితే బిడ్డను వెచ్చటి శుభ్రమైన దుస్తులలో ఉంచి తల్లి శరీరం తగిలేలా వెచ్చగా ఉంచాలని చెబుతుంటారు. అంతేకాక.. బిడ్డ కనుక నెలలు నిండకుండా పుట్టి వుంటే, హాస్పిటల్ సిబ్బంది బిడ్డను వేరుగా ఇన్ క్యుబరేటర్ వంటి సాధనాలలో ఉంచి ఆరోగ్యాన్ని శ్రద్ధగా గమనిస్తూ ఉంటారని అన్నారు. ఇక అవసరమైన మందులు వాడాలని సూచిస్తున్నారు. ఇక బిడ్డ శ్వాసక్రియ సరిగా ఉందా లేదా అనేది ఎప్పటికపుడు గమనిస్తూ ఉండాలని అన్నారు. పుట్టిన పిల్లల సరైన బరువుతో పుట్టిందా? లేదా అనేది చెక్ చేసి అవసరమనుకుంటే వైద్యుల సలహాలు పొందాలని సూచించారు.
ఇక పిల్లలకు పుట్టిన వెంటనే వేయాల్సిన పోలియో చుక్కలు, సూదిమందులను వేయమని డాక్టర్‌ను కోరాలని చెబుతున్నారు. పిల్లలకు చేయించే ఇంజెక్షన్లు, ఇతర పోలియో చుక్కలు, వ్యాక్సిన్లు లేదా ఇతర పరీక్షలన్నింటికి తగిన రికార్డు నోటు చేసుకుంటూ ఉండాలి. అంతేకాక.. అపుడే పుట్టిన పిల్లలకు గాను ఆస్పత్రులలో కార్డులు అందజేస్తుంటారు. అయితే తల్లితండ్రులు తమ బిడ్డకు ఏ సమయంలో ఏ రకమైన వ్యాక్సిన్లు ఇప్పించాలనేది ఆ కార్డులో తెలియజేస్తుంది. అంతేకాదు.. ఈ రకమైన చికిత్సలు బిడ్డలో రోగ నిరోధక శక్తిని పెంచుతాయని ఆరోగ్య నిపుణులు చెబుతున్నారు. అలాగే ఏ రకమైన అనారోగ్య సమస్యలు వచ్చినట్లు గుర్తించినా, వెంటనే సమీపంలోని ఆరోగ్య కేంద్రం లేదా పిల్లల వైద్యులను సంప్రదించాలని చెబుతున్నారు. ఇక ఏరకమైన సమస్య వచ్చినా ఆలస్యం చేయక తక్షణ వైద్య సదుపాయం ఇప్పించటం అత్యంత అవసరంగా గుర్తించాలని అన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి