కాకపోతే వీటి నుంచి వెలువడే పొగ సిగరెట్ పొగ కంటే చాలా ప్రమాదకరమని హెచ్చరిస్తున్నారు పరిశోధకులు. పూర్తి వివరాల్లోకి వెళితే 2015 వ సంవత్సరం లో చైనీస్ పరిశోధకులు చేసిన అధ్యయనం ప్రకారం అగరబత్తులు వెలిగిస్తే , వాటి నుంచి వెలువడే పొగ కారణంగా చిన్న చిన్న పరిమాణంలో అణువులు గాలిలోకి వ్యాపిస్తాయి. కణాలలాగా ఏర్పడి, మన శరీరంలోకి వెళ్లి హాని కలిగిస్తాయని అధ్యయనం ద్వారా తెలిపారు. ముఖ్యంగా ఈ అగరబత్తులు పొగలో ఉండే 3 రకాల టాక్సిన్లు కొన్ని కొన్ని సందర్భాలలో, మన శరీరంలో క్యాన్సర్ కు కూడా దారితీస్తాయట. సైటోటాక్సిక్, జెనోటాక్సిక్, మ్యూటా జెనిక్ అనబడే ఈ మూడు రసాయనాల కారణంగా మన శరీరంలో జన్యుపరమైన మార్పులకు కూడా కారణం అవుతాయి.
ఇక అగరబత్తులు పొగను మనం శ్వాసించినప్పుడు ఊపిరితిత్తుల ద్వారా శరీరంలోకి చేరి, అనారోగ్యాన్ని కలిగిస్తుంది . ముఖ్యంగా ఈ పొగలో ఉండే కణాల్లో 64 సమ్మేళనాలు ద్వారా శరీరంలోకి వెళ్లి, అటు వాయునాలానికి, ఇటు శరీరానికి హాని కలిగిస్తాయి. ముఖ్యంగా సహజసిద్ధంగా తయారు చేయబడే అగరబత్తులతో పోలిస్తే , కృత్రిమంగా తయారుచేసే అగరబత్తులు నుంచే ప్రమాదం చాలా ఎక్కువ ఉందని వైద్యులు హెచ్చరిస్తున్నారు. కాబట్టి వీలైనంత వరకు ఈ అగరబత్తుల సువాసనకు ఎంత దూరంగా ఉంటే , అంత మన ఆరోగ్యాన్ని కాపాడుకోవచ్చని వైద్యులు సూచించడం జరుగుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి