ఇలా యువతి యువకుల మధ్య పుట్టిన ప్రేమ జీవితాంతం గుర్తుండిపోయే ఎన్నో మధురానుభూతులను అందిస్తుంది అని ఎన్నో కొటేషన్స్ కూడా ఇస్తూ ఉంటారు. కానీ ఇలా సాఫీగా సాగిపోతున్న ప్రేమకు బ్రేక్ పడితే ఇక ప్రాణం కంటే ఎక్కువగా ప్రేమించిన వారు బ్రేకప్ చెబితే.. ఆ బాధ వర్ణనాతీతంగా ఉంటుంది. ఇలాంటి బ్రేకప్ల కారణంగానే ఎంతోమంది ఆత్మహత్యలు చేసుకుంటుంటే.. ఇంకొంతమంది పిచ్చి వాళ్ళలా కూడా మారిపోతున్నారు. మరి కొంతమంది ప్రేమించిన వారి మీదే పగ పెంచుకొని హత్యలు కూడా చేస్తూ ఉన్నారు.
దీంతో బ్రేకప్ అస్సలు మంచిది కాదు అని అంటుంటారు జనాలు. కానీ ప్రేమలో బ్రేకప్ అనేది మంచిదే అంటున్నారు నిపుణులు. ఎందుకంటే బ్రేకప్ వల్ల మన గురించి మనం పునరాలోచించుకోవడానికి అవకాశం దొరుకుతుందట. మనకు రాబోయే వ్యక్తి ఎలాంటి వారైతే మనకు సెట్ అవుతారు అనే విషయంలో స్పష్టత వస్తుందని బిహేవియరల్ సైన్సెస్ నిపుణులు చెబుతున్నారు. కొన్నిసార్లు మనలో మనకే తెలియని కొత్తకోనాన్ని బ్రేకప్ మనకు పరిచయం చేస్తుందట. అన్నిటికంటే ముఖ్యంగా బ్రేకప్ వల్ల మనలోని లోపాలు తెలుస్తాయట. తద్వారా మనల్ని మనం సరిదిద్దుకునేందుకు అవకాశం ఉంటుందట.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి