![](https://www.indiaherald.com/cdn-cgi/image/width=750/imagestore/images/lifestyle/taurus_taurus/rice-clening7e6dbd7c-534b-477a-b3ec-d8edcecebd1f-415x250.jpg)
ఇలా పురుగుల పట్టిన బియ్యం తినలేక చాలామంది మార్కెట్లో దొరికే కెమికల్ పౌడర్ ను వాడుతూ ఉంటారు. అయినా కూడా దానివల్ల అప్పటికప్పుడు పురుగులు చచ్చిపోయినా,మళ్లీ వస్తూ ఉంటాయి.ఇలా పురుగు పట్టిన బియ్యం వల్ల జీర్ణ సంబంధిత సమస్యలు రావడమే కాక,కెమికల్ పౌడర్లు వాడడం వల్ల మన పొట్ట ఆరోగ్యం కూడా దెబ్బతింటుంది.అలా బియ్యంలోని పురుగులతో విసుగెత్తిపోయిన వారికి అమ్మమ్మల నాటి కాలం చిట్కాలు చాలా బాగా ఉపయోగపడతాయి అందులో ముఖ్యంగా..
లవంగాలు..
లవంగాలకు బ్యాక్టిరియా,పంగస్ వంటి దూరం చేసే గుణం ఎక్కువగా ఉంటుంది.దీనికోసం లవంగాలను ఐదు నుంచి పది వరకు తీసుకొని ఒక గుడ్డ ముక్కలో మూట కట్టి,బియ్యం నిలువ చేసిన సంచిలో కానీ, డబ్బాలలో కానీ ఉంచాలి.దీనితో వారం రోజుల లోపు పురుగులన్నీ వాటి వాసనకు చనిపోతాయి.మరియు బియ్యం కూడా ఎక్కువ రోజులపాటు,ఎలాంటి స్మెల్ వంటిది రాకుండా నిలువ ఉంటాయి.
వేపాకు..
వేపాకులోని సుగుణాలు గురించి ఇంక చెప్పక్కర్లేదు. ఇందులో ఉన్న యాంటీ బ్యాక్టీరియల్,యాంటీ ఫంగల్ గుణాల వల్ల ఎటువంటి పురుగులైన దూరమవుతాయి. దీనికోసం వేపాకును గుడ్డ ముక్కలు మూట కట్టి, బియ్యంలో ఉంచుకోవాలి.
బిర్యానీ ఆకు..
బియ్యం నిల్వ ఉంచిన డబ్బాలలో బిరియాని ఆకు కలిపి వారం రోజులు పెట్టామంటే చాలు..ఎటువంటి పురుగులైన దెబ్బకు పారిపోతాయి.
కర్పూరం,మిరపకాయలు..
బియ్యంలో ఎక్కువగా తెల్ల పురుగులు కనిపించినప్పుడు,రెండు కర్పూరం బిళ్ళలు,నాలుగు ఎండు మిరపకాయలు తీసుకొని బాగా దంచి,గుడ్డ ముక్కలు మూట కట్టి,బియ్యం నిల్వ చేసే డబ్బాలో ఉంచాలి.దీనితో తెల్ల పురుగులు పూర్తిగా నశించిపోతాయి.