మూత్ర విసర్జన సమయంలో ఇబ్బంది పడటం, గొంతు నొప్పి పెట్టడం, ముక్కు నుంచి రక్తం కారటం వంటివి క్యాన్సర్ లక్షణాలు. ఈ క్యాన్సర్ 75 శాతం పొగాకు తీసుకునే వారిలో వస్తుందని నిపుణులు గుర్తించారు. అలాగే అధిక బరువు ఉన్నవారికి, అధికంగా మద్యం తీసుకోవడం వల్ల, లైంగికంగా సంక్రమించే అంటువ్యాధుల కారణంగా క్యాన్సర్ వస్తుందని చెబుతున్నారు. అయితే ఒక నెలరోజుల పాటు గొంతు నొప్పి, మాట్లాడుతుంటే బొంగురు లాగా అనిపిస్తే మాత్రం ఇది స్వరపేటిక క్యాన్సర్ కు దారి తీయవచ్చునని వైద్య నిపుణులు చెబుతున్నారు.
ప్రతి సంవత్సరం లక్షకు పైగా క్యాన్సర్ బారిన పడుతున్నారని... కాగా ముందుగానే క్యాన్సర్ లక్షణాలని గుర్తించి వైద్యల్ని సాంప్రదించాలని నిపుణులు జనాలకు సూచిస్తున్నారు. స్వరపేటిక క్యాన్సర్ వచ్చిన వారు తీవ్రమైన అలసటకు గురవుతారు. విపరీతంగా గొంతు నొప్పి ఏర్పడుతుంది. నాన్ స్టాప్ గా దగ్గుతూనే ఉంటారు. మాట సరిగ్గా రాదు. బొంగురుగా వస్తుంది. మాట్లాడుతుంటే చాలా ఇబ్బందిగా ఉంటుంది. శ్వాస తీసుకోవడంలో ఇబ్బందులు ఎదుర్కొంటారు. వీటికి తోడుగా చెవి నొప్పి వస్తుంది. ఊపిరి పీల్చుకున్నప్పుడు గురక కూడా వస్తుంది. అకస్మాత్తుగా బరువు తగ్గుతారు. ఈ సర్వపేటిక క్యాన్సర్ ఎక్కువగా 60 ఏళ్ళ పైబడిన వారిలోనే వస్తుంది. అందులో ఆడవాళ్ళలో కంటే పురుషులలో ఎక్కువగా వస్తుంది. కాగా దీన్ని తొందరగా గుర్తిస్తే వ్యాధి నుంచి బయటపడే ఛాన్స్ ఉంటుందని వైద్య నిపుణులు చెబుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి