గ్రామాల్లో ఉండే ప్రజలకు ప్రతి ఒక్కరికి ఈ చింతకాయ గురించి తెలిసి ఉంటుంది. సీమ చింతకాయను మంకీ పాడ్ అని కూడా పిలుస్తారు. దీన్ని పలు వంటకాల్లో కూడా ఉపయోగిస్తారు. సాస్, పచ్చళ్ళలో ఎక్కువగా వాడతారు. చాలా వరకు అయితే పచ్చిగానే తింటారు. ఎంతో టేస్టీగా ఉండటంతో పాటు హెల్త్ కు కూడా చాలా మేలు చేస్తాయి. తీపి, పులుపు కలిగి ఉంటుంది. పచ్చిగా ఉన్నప్పుడు తింటే కొంచెం వగరుగా ఉంటుంది. కాస్త పక్వానికి వచ్చాక తింటే చాలా రుచిగా ఉంటుంది. ఇది గులాబీ, ఎరుపు, తెలుపు రంగులో ఉంటుంది. ఈ పండులో బరువు తగ్గించే మంచి గుణాలు ఉంటాయి.
సీమ చింతలో ప్రోటీన్స్, ఫైబర్, విటమిన్ ఎ, విటమిన్ బి, విటమిన్ సి, ఐరన్, పొటాషియం, కాలుష్యం, ఫాస్పరస్ లాంటి ఎన్నో పోషకాలు నిండి ఉన్నాయి. ఇవి తినటం వల్ల ఒత్తిడి, ఆందోళన, డిప్రెషన్, వంటి సమస్యలకు చెక్ పెట్టొచ్చు. అంతేకాకుండా జ్ఞాపకశక్తి, మానసిక స్థితి, ఏకాగ్రతను పెంచడంలో సీమ చింతకాయ ఎంతో మేలు చేస్తుంది. ఈ సీమ చింతకాయ తింటే రోగ నిరోధక శక్తి పెంచుతుంది. మధుమేహం వ్యాధిగ్రస్తులకు ఇది మంచి మెడిసిన్ అని చెప్పుకోవచ్చు. కానీ మోతాదులో తీసుకోవాలని వైద్యులు సూచిస్తారు. సీమ చింత తింటే షుగర్ లెవెల్స్ అదుపులో ఉంటాయి. అలాగే ఆకలి తగ్గుతుంది. తద్వారా బరువు తగ్గవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి