అంతేకాకుండా గురకను నిర్లక్ష్యం చేస్తే పలు ఇతర అనారోగ్యాలకు దారి తీయవచ్చు. కాబట్టి ప్రారంభంలోనే తగిన చికిత్స తీసుకోవాలని వైద్య నిపుణులు సూచిస్తున్నారు. కాగా బాధ్యత వ్యక్తులు గురకనుంచి ఉపశ్రమమం పొందడానికి కొన్ని హోమ్ రెమెడీస్ అద్భుతంగా పనిచేస్తాయి అంటున్నారు ఆయుర్వేదిక్ నిపుణులు. అవేంటో చూద్దాం. మీరు గురకతో ఇబ్బంది పడుతున్నట్లయితే రాత్రి పూట పుదీనా నీరు తీసుకోవడం వల్ల తక్షణ ఉపశమనం కలిగించగలదని ఆయుర్వేదిక్ నిపుణులు చెప్తున్నారు. అందుకోసం ముందుగా కొన్ని పుదీనా ఆకులను ఒక్క గ్లాస్ నీటిలో మరిగించి,
చల్లారిన తరువాత వాటిని తాగాలి. రోజు రాత్రి పూట నిద్రకు ముందు ఇలా చేస్తే గురక శబ్దం తగ్గుతుంది. దాల్చిన చెక్కలో గురకను తగ్గించే ఔషధ గుణాలు ఉంటాయి. కాబట్టి రాత్రులు పడుకోవడానికి ముందు ఒక గ్లాస్ గోరు వెచ్చని నీటిలో దాల్చిన చెక్క పొడిని కలిపి తాగాలి. ప్రశాంతంగా నిద్ర పట్టడమే కాకుండా గోరక శబ్దం తగ్గే అవకాశం ఉంటుందంటున్నారు నిపుణులు. గురక శబ్దాన్ని తగ్గించడంలో వెల్లుల్లి కూడా అద్భుతంగా పనిచేస్తుంది. ఒక రెబ్బను తీసుకుని గోరువెచ్చని నీటిలో వేసుకుని కాసేపటి తరువాత ఆ నీటిని తాగాలి. అయితే వెల్లుల్లికి వేడి కలిగించే లక్షణం ఉంటుంది కాబట్టి వేసవి, అలాగే వేడి వాతావరణం సమయాలలో ఈ ప్రయత్నం చెయ్యకపోవటం బెటర్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి