పుట్టగొడుగుల్లో బీటా- గ్లూకాన్ , యాంటీ ఆక్సిడెంట్లు వంటి పోషకాలు ఉంటాయి. కాబట్టి వీటిని డైట్ లో చేర్చుకోవడం వల్ల రోగనిరోధక శక్తిని పెంచుతాయి. ఇన్ఫెక్షన్లు, వివిధ వ్యాధులతో పోరాడే సామర్ధ్యాన్ని పెంపొందిస్తాయి. అంతేకాకుండా వీటిలోని సెలీనియం అతి ముఖ్యమైన ఆంటీ ఆక్సిడెంట్ గా పని చేస్తుంది. శరీరంలోని ఫ్రీ రాడికల్స్ తో పోరాడి నొప్పి, మంట వంటి సమస్యలను నివారిస్తుంది. పుట్టగొడుగులలో ఫైబర్ కంటెంట్ పుష్కలంగా ఉంటుంది. ఇది అధికబరువు, ఊబకాయం వంటి సమస్యలను దూరం చేయటంలో సహాయపడుతుంది. జీర్ణవ్యవస్థను మెరుగుపరుస్తుంది.
మలబద్ధకం, అజీర్తి, కడుపులో ఉబ్బరం, గ్యాస్ట్రిక్ వంటి ఇబ్బందులను నియంతరిస్తుంది. కడుపు నిండిన ఫీలింగ్ కలిగించడం వల్ల అతిగా తినే అలవాట్లను కూడా నిరోధిస్తుంది. అలాగే మష్రూమ్స్ లో ఉండే ప్రోటీన్లు కండరాల బలోపేతానికి చాలా ముఖ్యం. మష్రూమ్స్ లో పాలీ శాకరైడ్స్, యాంటీ ఆక్సిడెంట్లు ఉంటాయి. ఇవి క్యాన్సర్ కణాలకు వ్యతిరేకంగా పోరాడడం వల్ల ఈ వ్యాధి నివారణలో కీలక పాత్ర పోషిస్తాయని నిపుణులు చెప్తున్నారు. ఆహారంలో భాగంగా రెగ్యులర్ గా తీసుకోవాలని నిపుణులు చెప్తున్నారు. రిషి, షిటేక్ వంటి పుట్టగొడుగు రకాల లో క్యాన్సర్ నిరోధక గుణాలు ఉన్నట్లు ఇటీవల పరిశోధనలో కూడా తేలింది. కాబట్టి వీటిని తీసుకోవటం ప్రోస్టేట్, కోలన్, చెస్ట్ వంటి వివిధ రకాల క్యాన్సర్ల నివారణలో అద్భుతంగా సహాయపడతాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి