మరి కొందరు చలికాలంలో కూడా చల్లటి నీటితో స్నానం చేస్తారు. చాలామంది శీతాకాలంలో చల్లటి నీటితో స్నానం చేయాలంటే వణికిపోతారు. అయితే, వేడి నీటి కంటే చల్లని నీటితో స్నానం చేయటం వల్ల మంచి ఫలితాలు ఉన్నాయని నిపుణులు చెప్తున్నారు. చన్నీటి స్నానం చేయటం వల్ల ఏం జరుగుద్దో ఇప్పుడు తెలుసుకోండి. శీతాకాలంలో చల్లని నీటితో స్నానం చేయాలంటే చాలామంది భయపడుతుంటారు. కానీ, ఇలా చేయటం వల్ల శరీరానికి మేలు జరుగుతుంది. బాడీలో రక్తప్రసరణ మెరుగుపడుతుంది. దీంతో, రోగ నిరోధక కణాలు మెరుగ్గా పనిచేస్తాయి.
అంతేకాకుండా దగ్గు, జలుబు, జ్వరం వంటి అనారోగ్య సమస్యలతో పోరాడే సామర్థ్యాన్ని పెంచుతుందని నిపుణులు చెబుతున్నారు. చల్ల నీళ్లు మానసిక స్థితిని మెరుగు పరచడానికి సహాయపడతాయి. శరీరంలో డోపామైన్, సరోటోనిన్ స్థాయిలను చురుగ్గా ఉండేలా చేస్తుంది. దీనివల్ల ఆందోళన, ఒత్తిడి తగ్గిపోతుంది. ఇది శరీరాన్ని రిఫ్రెష్ చేస్తుంది. కండరాల నొప్పులు ఉన్నవారు సాధారణంగా హాట్ వాటర్ తో స్నానం చేస్తుంటారు. కానీ, వేడి నీటి కంటే కోల్డ్ వాటర్ కండరాల నొప్పుల నుంచి మంచి రిలీఫ్ ఇస్తుంది. వేడి నీళ్ల కంటే చల్ల నీళ్లతో స్నానం చేయటం వల్ల జుట్టు నుంచి అదనపు నూనె, దుమ్ము వంటివి తొలిగిపోతాయి. అంతేకాకుండా ఇది చర్మాన్ని పొడిబారకుండా చేయడానికి సహాయపడుతుంది. జుట్టు, చర్మాన్ని ఆరోగ్యంగా ఉంచడానికి తోడ్పడుతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి