పవర్ లిఫ్టింగ్ నిజానికి ఒక అద్భుతమైన శారీరక వ్యాయామం. దీనివల్ల బాడీలో స్ట్రెంత్, అలాగే మజిల్స్ పెరుగుతాయి. ఇందులో భాగంగా ఉండే స్క్వాట్, బెంచ్ ప్రెస్, డెడ్ లిఫ్ట్ వంటివి రెగ్యులర్గా చేసే వారికి మిగతా వారితో పోలిస్తే ఎక్కువ ఎనర్జీ ఉంటుంది. అలాగే ఎముకలు బలంగా మారుతాయి. బోన్ డెన్సిటీ పెరుగుతుంది. శరీరంలో కొవ్వు శాతం పెరుగుతుంది. పవర్ లిఫ్టింగ్ వ్యాయామం మెంటల్ హెల్త్ పరంగానూ అనేక ప్రయోజనాలు కలిగిస్తుందని ఫిట్ నెస్ నిపుణులు చెబుతున్నారు. రెగ్యులర్ గా చేసే వారిలో సెల్ఫ్ కాన్ఫిడెన్స్ పెరుగుతుంది. స్ట్రెస్, యాంగ్జైటిస్, డిప్రెషన్ వంటి సమస్యలు దూరం అవుతాయి. ఏకాగ్రత పెరుగుతుంది.
దీంతో చేసే వర్క్ పై ఎక్కువగా ఫోకస్ పెట్టగలుగుతారు. తద్వారా ప్రొడక్టివిటీ కూడా పెరుగుతుందని నిపుణులు పేర్కొంటున్నారు. అంతేకాకుండా పవర్ లిఫ్టింగ్ కారణంగా శరీరంలో ఇన్సులిన్ సెన్సిటివిటీ పెరుగుతుంది. షుగర్ పేషెంట్లు కూడా పవర్ లిఫ్టింగ్ వ్యాయామం చేయవచ్చు. దీనివల్ల రక్తంలో చక్కెర స్థాయిలు అదుపులో ఉంటాయి. కాకపోతే ఈ సందర్భంగా గాయాలు తగలకుండా జాగ్రత్త పడాలంటున్నారు నిపుణులు. శరీరంలోని బాడ్ కొలెస్ట్రాల్ ను బర్న్ చేయటంలో కూడా పవర్ లిఫ్టింగ్ సహాయపడుతుంది. కాబట్టి గుండె ఆరోగ్యానికి కూడా మేలు జరుగుతుంది. అయితే దీనిని ప్రారంభించే ముందు మీ శరీరం తత్వాన్ని కూడా పరిగణనలోకి తీసుకోవాల్సి ఉంటుంది. కాబట్టి కొత్తగా స్టార్ట్ చేయాలనుకున్న వారు కోచ్ లేదా ట్రైనర్ సలహాలను తప్పకుండా తీసుకోవాలంటున్నారు నిపుణులు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి