వీటికి ప్రధాన కారణం కాల్షియం లోపమని ఆరోగ్య నిపుణులు అంటున్నారు. అయితే సమస్యను ముందుగానే గుర్తిస్తే తగిన జాగ్రత్తలు తీసుకోవచ్చు. కాబట్టి కాల్షియం లోపం కనిపించే లక్షణాలు ఏవో ఇప్పుడు చూద్దాం. కొద్దిసేపు కూర్చున్నా కాళ్లు, చేతులు, వీపు భాగం మొద్దుబారినట్లు అనిపిస్తే అది కాల్షియం లోపానికి సంకేతం కావచ్చు అంటున్నారు నిపుణులు. అలాగే నోటి చుట్టు తిమ్మిరి లేదా మొద్దు బారడం వంటి లక్షణాలు, నరాల మధ్య కమ్యూనికేషన్ లోపించిన అనుభూతి వంటివి కూడా కాల్షియం లోపం వల్ల తలెత్తే ఇబ్బందులే అంటున్నారు పోషకాహార నిపుణులు. శరీరంలో కాల్షియం చాలావరకు ఎముకల్లో, దంతాల్లో ఎక్కువ స్టోర్ ఉంటుందని నిపుణులు అంటున్నారు. మీరు డైలీ తీసుకునే ఆహారం ద్వారా అది శరీరానికి అందుతుంది.
అయితే సరైన లెవెల్స్ లో కాల్షియం అందకపోతే గనుక అప్పటికే ఎముకల్లో, దంతాల్లో స్టోర్ అయి ఉన్న కాల్షియాన్ని బాడీ యూజ్ చేసుకుంటుందని, దీనివల్ల అవి బలహీనంగా మారుతాయని నిపుణులు పేర్కొంటున్నారు. దీర్ఘకాలం ఈ పరిస్థితి కొనసాగితే బోలు ఎముకల వ్యాధి వచ్చే ప్రమాదం ఉంటుంది. దీంతో చిన్న గాయాలైన ఎముకలు విరగడం లేదా అధికంగా డామేజ్ అవ్వటం కాల్షియం లోపానికి సంకేతం. బాడీలో తగినంత కాల్షియం లేకుంటే రాత్రులు నిద్ర సరిగ్గా పట్టదని నిపుణులు చెబుతున్నరు. ఎందుకంటే నిద్రకు సహకరించే మెలటోనిన్ అనే హార్మోనల్ ఉత్పప్తికి కాల్షియం చాలా అవసరం. కాబట్టి కాల్షియం లోపం ఉన్నప్పుడు నిద్ర చక్రాన్ని కొనసాగించే మెటోనిన్ లెవెల్స్ పడిపోతాయి. నిద్రలేమి సమస్యను ఎదుర్కోవాల్సి వస్తుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి