అయితే ఆరెంజ్ తొక్కలు ఎంత మేలు చేస్తుందో తెలుసా? వాటిలో యాంటీ ఆక్సిడెంట్లు, విటమిన్ సి, యాంటీ బ్యాక్టీరియల్ లక్షణాలు ఉన్నాయి. ఇవి నీ ఆరోగ్యాన్ని మాత్రమే కాకుండా మీ రోజువారి జీవితాన్ని కూడా మెరుగుపరుస్తాయి. ఎలానో అర్థం కావటం లేదా? ఆరెంజ్ తొక్కతో ఆరోగ్యం, అందం వంటి ప్రయోజనాలు కూడా ఉంటాయి. రోజువారి జీవితంలో నారింజ తొక్కలు ఎలా ఉపయోగపడతాయో తెలుసుకుందాం. ఆరెంజ్ పిల్ పౌడర్ ఒక అద్భుతమైన న్యాచురల్ స్క్రబ్. ఇది చర్మం లోని టానింగ్ నం తొలగించి, మొటిమలను తగ్గించి, ముఖాన్ని మెరిసేలా చేస్తుంది. ఇందుకోసం తొక్కను ఎండబెట్టి పొడి చేసి అందులో తేనె, పాలు మిక్స్ చేసి ఫేస్ ప్యాక్ చేసుకోవాలి. దీన్ని వారానికి రెండు సార్లు ఉపయోగించవచ్చు.
జుట్టు కోసం కూడా ఉపయోగించవచ్చు. నారింజ తొక్కలతో తయారు చేసిన హెయిర్ ప్యాక్ జుట్టును స్ట్రాంగ్ గా ఉంచుతుంది. చుండ్రును తొలగించడంలో సహాయపడుతుంది. ఆరెంజ్ తొక్కలు సహజ సువాసనను కలిగి ఉంటాయి. ఇది ఇంటిని సువాసనగా మార్చడంలో సహాయపడుతుంది. దీన్ని ఎలా ఉపయోగించాలంటే? తొక్కలను ఎండబెట్టి, పర్సులో నింపి అల్మారాలో లేదా గదిలో ఉంచాలి. అంతేకాకుండా నీటిలో మరిగించడం ద్వారా గదిలో సువాసన వెదజల్లడానికి కూడా ఉపయోగపడుతుంది. నారింజ తొక్కలు ఆమ్ల లక్షణాలను కలిగి ఉంటాయి. ఇది వంటగదిలోని మరకలను తొలగించడంలో సహాయపడతాయి. ఆరెంజ్ తొక్కలను వెనిగర్ ను వేసి కొన్ని రోజులు ఉంచాలి. ఇది సహజ క్లీనర్ గా కూడా ఉపయోగించవచ్చు. నారింజ తిన్న తర్వాత దాన్ని తొక్కలను విసిరేయకండి వాటిని ఈ పద్ధతిలో ఉపయోగించండి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి