మెదడు కంప్యూటర్లో పనిచేయాలంటే... నిరంతరం ఏదో ఒక విషయాన్ని కొత్తగా నేర్చుకుంటూ ఉండాలని నిపుణులు సూచిస్తున్నారు. అలాగని అధిక ఒత్తిడి సందర్భాల్లోనూ ఇలా చేయకూడదు. మీరు ఉత్సాహంగా, ప్రశాంతంగా ఉన్నప్పుడు ముఖ్యమైన విషయాలను నేర్చుకోవడం పై ఫోకస్ చేయాలి. కొత్త పుస్తకం చదవటం, కొత్త భాష నేర్చుకోవటం, సమస్యలకు పరిష్కారాలను ఆలోచించడం ఇలా ఏదో ఒకటి నేర్చుకోవడం వల్ల బ్రెయిన్ యాక్టివ్ గా ఉంటుందని, మతిమరుపు వంటివి రాకుండా ఉంటాయని ఆరోగ్య నిపుణులు చెబుతున్నారు. అట్లనే ఏకాగ్రత, జ్ఞాపక శక్తి పెరుగుతాయి.
రోజు సరిపడా మెదడు పనితీరుకు చాలా ముఖ్యం. నిజానికి క్వాలిటి స్లీప్ మన బ్రెయిన్ ఎనర్జీని రీఛార్జ్ చేస్తుందని నిపుణులు అంటున్నారు. కాబట్టి మీరు కంటి నిండా నిద్రపోయేనప్పుడే మెదడు పాదరసం కంటే వేగంగా, చురుగ్గా పనిచేస్తుంది. దీనివల్ల మెదడులోని కణాలు యాక్టివ్ గా పని చేయడం ప్రారంభిస్తాయి. మీరు తీసుకునే ఆహారం కూడా మెదడు ఆరోగ్యం పై ప్రభావం చూపుతుంది. ముఖ్యంగా అధిక కొవ్వులు కలిగినవి, నూనెలో అధికంగా వేయించినవి, బేకరీల్లో నిల్వ ఉంచినవి ఇలా జంక్ ఫుడ్స్ ఎక్కువగా తింటూ పోషకాలు కలిగిన ఆహారాలకు ఎక్కువ కాలం పాటు దూరంగా ఉంటే మెదడు పనితీరు మొద్దు బారుతుందని నిపుణులు చెబుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి