కొత్తగా వచ్చిన ఈ వైరస్, కరోనా మహమ్మారికి కారణమైన SARS-CoV-2 వైరస్ లాగే ఉందట. SARS-CoV-2 వైరస్ ఎలాగైతే మనుషుల కణాల్లోకి దూసుకెళ్లడానికి ACE2 రిసెప్టర్స్‌ని పట్టుకుంటుందో, ఇది కూడా అలాగే చేస్తుందట. శాస్త్రవేత్తలు ల్యాబ్‌లో చిన్నపాటి మనిషి నమూనాల్ని తయారు చేసి వాటిపై ఈ వైరస్‌ని టెస్ట్ చేశారు. అది మనుషుల కణాలకు సోకుతుందని తేలింది. దాంతో అందరూ ఒక్కసారిగా టెన్షన్ పడుతున్నారు.
HKU5-CoV-2 అనేది మెర్బెకోవైరస్ అనే ఒక రకమైన వైరస్. ఈ జాతిలోనే మిడిల్ ఈస్ట్ రెస్పిరేటరీ సిండ్రోమ్ (MERS) వ్యాధికి కారణమైన వైరస్ కూడా ఉంది. మునుపటి HKU5 వైరస్‌లతో పోలిస్తే, ఈ కొత్త వైరస్ మనుషుల ACE2 రిసెప్టర్లకు ఇంకా బాగా అతుక్కుంటుందట. అంటే మనుషులకు సోకే ప్రమాదం కాస్త ఎక్కువగానే ఉందన్నమాట. కానీ ఇది మనుషుల నుండి మనుషులకు ఎంత ఈజీగా వ్యాపిస్తుందో మాత్రం ఇంకా రీసెర్చ్ చేస్తున్నారట.
అయితే, HKU5-CoV-2 వల్ల మళ్లీ కరోనా లాంటి మహమ్మారి వచ్చే రిస్క్ తక్కువే అని కొందరు నిపుణులు అంటున్నారు. అంటువ్యాధుల స్పెషలిస్ట్ డాక్టర్ మైఖేల్ ఓస్టర్‌హోమ్ ప్రకారం, 2019లో కరోనా వచ్చినప్పుడు ప్రజల్లో రోగనిరోధక శక్తి చాలా తక్కువగా ఉండేది. కానీ ఇప్పుడు చాలా మందికి SARS-లాంటి వైరస్‌లపై కాస్త ఇమ్యూనిటీ పెరిగింది.
ఇంకో విషయం ఏంటంటే, HKU5-CoV-2 వైరస్ SARS-CoV-2 వైరస్ అంత బలంగా ACE2 రిసెప్టర్లకు అతుక్కోదట. దీనివల్ల కూడా ఇది మనుషుల మధ్య అంత సులువుగా వ్యాపించకపోవచ్చు అని అంటున్నారు.
HKU5-CoV-2 గురించి తెలుసుకోవడం చాలా ముఖ్యమైనా, ఇది వెంటనే ప్రమాదకరమైనది కాదని నిపుణులు చెబుతున్నారు. ఇది గబ్బిలాల నుంచి మనుషులకు సోకుతుందా, సోకితే ఎలాంటి అనారోగ్యాలు వస్తాయో తెలుసుకోవడానికి ఇంకా చాలా రీసెర్చ్ చేయాల్సి ఉంది. ప్రస్తుతానికి భయపడాల్సిన పనిలేదు, కానీ అప్రమత్తంగా ఉండటం మాత్రం చాలా అవసరం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి