కొన్ని విశ్వాసాల ప్రకారం, అద్దం పగిలితే ఇంట్లో కలహాలు, ఆరోగ్య సమస్యలు, ఆర్థిక నష్టాలు వచ్చే అవకాశముంటుందని నమ్ముతారు. వాస్తు శాస్త్రంలో అద్దం చాలా ముఖ్యమైన పాత్ర పోషిస్తుంది. దాని ఉంచే దిశ, స్థానము ప్రత్యేకంగా ఉంటుంది. పగిలిన అద్దాన్ని ఇంట్లో ఉంచడం వాస్తు దోషంగా చెప్పబడుతుంది. ఇది ఇంట్లో శాంతిని, సంపదను దెబ్బతీస్తుందనే నమ్మకం ఉంది. ఎప్పుడు పగిలిందన్నది కూడా ముఖ్యం, ఉదయం పగిలితే — కొందరు దీనిని బయటకి వెళ్లే పనులు విఫలం కావచ్చు అని భావిస్తారు.రాత్రి పగిలితే — ఆధ్యాత్మికమైన సమస్యలు, లేదా కలహాలు సూచనగా తీసుకుంటారు. పాశ్చాత్య దేశాలలో ఒక ప్రసిద్ధ నమ్మకం ఏమిటంటే. అంటే అద్దం పగిలితే ఏడు సంవత్సరాల అపశకునం వస్తుందని నమ్మకం.
ఇది రొమన్ కాలం నుంచీ వస్తున్న నమ్మకం, అద్దం మన ఆత్మను ప్రతిబింబిస్తుంది కనుక దాన్ని పగలగొట్టడం అనేది ఆత్మను దెబ్బతీసినట్లుగా భావించేవారు. అద్దం పగిలిపోవడం అనేది సాధారణ భౌతిక చర్యే. బలంగా తాకడం, ఉష్ణోగ్రత మార్పు, లేదా గడిచిన కాలం వల్ల త పెరిగి పగిలిపోవచ్చు. దీనికి శాస్త్రీయంగా శుభ, అశుభం అనే భావనలు వర్తించవు. పగిలిన అద్దాన్ని వెంటనే పారేయడం మంచిది. దాన్ని ఇంట్లో ఉంచకుండా, శుభ దినాన నెమ్మదిగా పారేసి, శుభ్రమైన నీటితో ఆ ప్రదేశాన్ని శుభ్రపరచడం మంచిది. ఇంట్లో మంచి పాజిటివ్ ఎనర్జీకి గోమయంతో ఇంటి తలుపు ముందు కొంత చల్లడం, తులసి, గంధపు ధూపం వాడటం లాంటివి చేయవచ్చు. కొందరు గంగాజలం చల్లడం కూడా చేస్తారు ఆ ప్రదేశంలో.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి