ఇకపోతే ప్రజలకు ఎటువంటి ఇబ్బంది కలగకూడదనే ఉద్దేశంతోనే రాష్ట్రంలో ప్రత్యేకంగా వాహనాలను ఏర్పాటు చేసి, వాటి ద్వారా వాలంటీర్లు ఇంటింటికీ వెళ్లి రేషన్ బియ్యాన్ని పంపిణీ చేస్తున్నారు. రేషన్ బియ్యం పై తాజాగా ఏపీ ప్రభుత్వం కీలక నిర్ణయం తీసుకున్న సంగతి అందరికీ తెలిసిందే. అదేమిటంటే రేషన్ కార్డు దారులు బియ్యం వద్దనుకుంటే నగదు ఇవ్వడానికి ఏపీ ప్రభుత్వం శ్రీకారం చుట్టడానికి సిద్ధమవుతోంది. ఇక ఆయా ప్రాంతాలలో డిమాండ్ ను బట్టి బియ్యానికి 12 రూపాయల నుంచి 15 రూపాయల వరకు డబ్బులు ఇచ్చే అవకాశం ఉంది.
ఇప్పటికే ఈ విషయంపై పలు సామాజిక మాధ్యమాలలో సర్వే నిర్వహించగా ప్రజలు కూడా డబ్బు తీసుకోవడానికి ఆసక్తి చూపుతున్నట్లు సమాచారం. ఇక ఈ నేపథ్యంలోనే నేటి నుంచి ప్రజల అంగీకారం తీసుకోవడానికి మరొకసారి సర్వే నిర్వహించబడుతుంది. వచ్చే నెల నుండి ఈ నగదు బదిలీ పథకాన్ని అమలు చేయాలి అని ఆంధ్రప్రదేశ్ రాష్ట్ర ముఖ్యమంత్రి సీఎం జగన్ ఆలోచిస్తున్నారట. ఇక ఇందులో భాగంగానే ముందుగా ఈ పథకం నంద్యాల, అనకాపల్లి , గాజువాక , నరసాపురం, కాకినాడ వంటి ప్రాంతాలను ఎంచుకుని అమలు చేయనున్నారు. ఇకపోతే ఈ డబ్బులను నేరుగా ప్రజల ఖాతాలలోకి జమ చేస్తే మంచిదని ప్రభుత్వం ఆలోచిస్తున్నట్లు సమాచారం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి