ఇటివల కాలంలో ఆశించిన విజయాలు పొందలేక పోతున్న హీరో గోపిచంద్ ఈ సారి ఒక ప్రముఖ దర్శకుడితో కలిసి పని చేయనున్నాడు. హిట్ చిత్రాల దర్శకుడు బి.గోపాల్ దర్శకత్వం వహించే తదుపరి సినిమాలో గోపిచంద్ హీరోగా నటించనున్నాడు.
బాలకృష్ణ-బి.గోపాల్ కలయికలో అనేక సూపర్ హిట్ చిత్రాలు వచ్చిన విషయం తెలిసిందే. రౌడీ ఇన్ స్పెక్టర్, సమరసింహారెడ్డి, నరసింహనాయుడు వంటి సినిమాలు బాలకృష్ణ అభిమానులను విశేషంగా ఆకర్షించడమే కాక, టాలీవుడ్ లో కొత్త రికార్డులు సృష్టించాయి. ఇప్పడు గోపిచంద్ తో బి.గోపాల్ పని చేయడం టాలీవుడ్ లో అందరీ దృష్టి ఆకర్షిస్తుంది. గోపిచంద్ కు సూట్ అయ్యే మాస్ కథాంశంతో ఈ కొత్త చిత్రం తెరకెక్కుతుంది.
గోపిచంద్ - బి.గోపాల్ సినిమాను భవ్య క్రియేషన్స్ పతాకంపై వి.ఆనంద్ ప్రసాద్ నిర్మిస్తారు. పూర్తి వివరాలు త్వరలో వెల్లడవుతాయి.
అలాగే, గోపిచంద్ ప్రస్తుతం ‘జాక్ పాట్’ అనే సినిమాలో నటిస్తున్న విషయం తెలిసిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి