ప్రభాస్ కి కొత్త బిరుదు ఏంటో తెలిస్తే షాక్..!
తెలుగు ఇండస్ట్రీలో ఇప్పటి వరకు ఎంతో మంది అగ్రహీరోలు వచ్చారు..అయితే వారికి ఇండస్ట్రీలో అభిమానులు ముద్దుగా ఎన్నో బిరుదులు ఇచ్చారు. తమ అభిమాన హీరోని ఇలా పిలిస్తే బాగుంటుందని ఒక్కోక్కరికి ఒక్కో రేంజ్ లో బిరుదులు ఇచ్చారు. ఇలా ఇండస్ట్రీలో పెద్ద హీరోలు తమ పేర్ల ముందు అభిమానులు ముద్దుగా పెట్టుకున్న బిరుదులతోనే బాగా పాపులర్ అయ్యారు. మెగాస్టార్ చిరంజీవి, నట సింహం బాలకృష్ణ, కింగ్ నాగార్జున్, విక్టరీ వెంకటేష్,పవర్ స్టార్ పవన్ కళ్యాన్, సూపర్ స్టార్ మహేష్ బాబు, యంగ్ టైగర్ ఎన్టీఆర్, స్టైలిష్ స్టార్ అల్లు అర్జున్ ఇలా హీరోలను పిలుచుకుంటున్న అభిమానులు రెబల్ స్టార్ కృష్ణం రాజు వారసుడిగా వచ్చిన ప్రభాస్ ని యంగ్ రెబల్ స్టార్ అని పిలుచుకుంటున్నారు.
అయితే బాహుబలి చిత్రం తర్వాత మనోడికి జాతీయ స్థాయిలో గుర్తింపు వచ్చిన విషయం తెలిసిందే. తెలుగు రాష్ట్రాలలోనే కాకుండా ప్రపంచ వ్యాప్తంగా క్రేజ్ తెచ్చుకున్నాడు అందుకే ప్రభాస్ కు ఆ స్థాయిలో అవార్డు ఇవ్వాలని నిర్ణయించుకున్నాడు బహుముఖ ప్రజ్ఞాశాలి టి . సుబ్బరామిరెడ్డి . దీంతో ఆయన ప్రభాస్ కి ఏకంగా '' నేషనల్ స్టార్ '' అనే బిరుదు ఇచ్చి సత్కరించుకోవాలని నిశ్చయించారు.
ఇప్పటివరకు ప్రభాస్ యంగ్ రెబల్ స్టార్ కాగా ఇక నుండి నేషనల్ స్టార్ గా పిలవనున్నారు . ప్రభాస్ కు ఈ అవార్డు ని త్వరలోనే ఇవ్వనున్నారు టి . సుబ్బరామిరెడ్డి .ప్రభాస్ కు ఈ అవార్డు ప్రకటించడంతో ప్రభాస్ ఫ్యాన్స్ చాలా సంతోషంగా ఉన్నారు . పైగా నేషనల్ స్టార్ బిరుదు అనేది ప్రభాస్ కు ఇవ్వడం సహేతుక మైనదే ఎందుకంటే నేషనల్ లెవల్ లో ప్రభాస్ కు ఫ్యాన్ ఫాలోయింగ్ ఏర్పడింది .