టాలీవుడ్ లో ప్రభుదేవా తర్వాత డ్యాన్స్ మాస్టర్ గా అంతటి క్రేజ్ సంపాదించాడు అతని తమ్ముడు రాజు సుందరం. తన డ్యాన్స్ స్టెప్పులతో స్టార్స్ ను ప్రేక్షకులకు మరింత దగ్గర చేసే రాజు సుందరం తెలుగులో బెస్ట్ డ్యాన్సర్ ఎవరు అన్న ప్రశ్న ఎదురైంది. దానికి తడుముకోకుండా ఎన్.టి.ఆర్ అండ్ బన్ని అనేశాడు ఈ డ్యాన్స్ మాస్టర్.
టాలీవుడ్ డ్యాన్సింగ్ స్టార్స్ లో ఎన్.టి.ఆర్, అల్లు అర్జున్ ఇద్దరు ముందుంటారు.. అయితే ఇద్దరిలో ఎవరు బెస్ట్ అన్నది మాత్రం చెప్పలేదు. ఓ స్టెప్ కంపోజ్ చేయగానే తారక్ చూసి వెంటనే చేస్తాడని.. బన్ని కాస్త రిహార్సెల్స్ చేసి పర్ఫెక్ట్ గా చేస్తాడని అన్నారు. ఇద్దరి తనకు పర్ఫెక్ట్ డ్యాన్సర్స్ అని చెప్పాడు రాజు సుందరం.
మెగాస్టార్ చిరంజీవి తర్వాత తెలుగులో డ్యాన్స్ కుమ్మేసే స్టార్స్ చాలా తక్కువమందే ఉన్నారు. ఇక ఎన్.టి.ఆర్, బన్నిల తర్వాత చరణ్ కూడా డ్యాన్స్ లో ఇరగదీస్తాడు. అయితే చరణ్ కు ఓ సెపరేట్ స్టైల్ ఉంది. ఎన్.టి.ఆర్, బన్నిల తర్వాత రాం చరణ్ తర్వాత స్థానంలో ఉన్నాడు. ఇక వీరితో పాటుగా సునీల్ కూడా తన డ్యాన్సులతో అలరిస్తాడు.
మొత్తానికి ఎన్.టి.ఆర్ బన్ని ఇద్దరు బెస్ట్ డ్యాన్సర్ అని చెప్పిన రాజు సుందరం తన కెరియర్ చాలా సంతోషకరంగా ఉందని చెప్పుకొచ్చాడు. వందాలది సినిమాలకు డ్యాన్స్ కంపోజర్ గా తెలుగు తమిళ భాషల్లో రాజు సుందరం సూపర్ క్రేజ్ సంపాదించుకున్నాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి