సూపర్ స్టార్ మహేష్ బాబు ప్రస్తుతం లేటెస్ట్ మూవీ సరిలేరు నీకెవ్వరూ సినిమాలో హీరోగా నటిస్తున్న విషయం తెలిసిందే. ఇకపోతే ఈ సినిమా ఇంట్రో ట్రైలర్ ని నేడు ఆయన 44వ జన్మదినం పురస్కరించుకుని యూట్యూబ్ లో రిలీజ్ చేసింది సినిమా యూనిట్. టీజర్ అదరగొట్టడంతో సూపర్ స్టార్ ఫ్యాన్స్ పండుగ చేసుకుంటున్నారు. ఇకపోతే ప్రతి ఏడాది వలే ఈ ఏడాది కూడా మహేష్ బాబు బర్త్ డే హ్యాష్ ట్యాగ్ ని సోషల్ మీడియా మాధ్యమం ట్విట్టర్ లో విపరీతంగా ట్రెండ్ చేసారు ఆయన ఫ్యాన్స్. నిజానికి గత ఏడాది మహేష్ బర్త్ డే హ్యాష్ ట్యాగ్ ట్వీట్స్ 4.5 మిలియన్లు సాధించి రెండవ స్థానంలో నిలవగా,
అంతకంటే ముందు పవన్ కళ్యాణ్ పేరిట బర్త్ డే హ్యాష్ ట్యాగ్ ట్వీట్స్ 7.5 మిలియన్స్ తో మొదటి స్థానంలో నిలిచింది. అయితే నేడు మహేష్ జన్మదినం సందర్భంగా మహేష్ ఫ్యాన్స్ ఏకంగా 8.3 మిలియన్ల ట్వీట్స్ తో, పవన్ పేరిట రికార్డుని బద్దలు కొట్టి సరికొత్త చరిత్రని సృష్టించారు. అయితే ఇది కేవలం సౌత్ ఇండియాలోనే కాదు, యావత్ ఇండియాలోనే అతి పెద్ద ట్రెండ్ అని అంటున్నారు విశ్లేషకులు. ఇప్పటికే రెండు రోజుల క్రితం అతిపెద్ద రికార్డుగా మహేష్ బాబు కామన్ డిస్ప్లే పిక్చర్ హ్యాష్ ట్యాగ్ ట్వీట్స్ తో 2 మిలియన్ల ట్వీట్స్ సాధించి సరికొత్త రికార్డుని దక్కించుకున్న మహేష్ ఫ్యాన్స్, నేటి మహేష్ బాబు పుట్టినరోజున అత్యధిక ట్వీట్స్ తో ఇండియా వ్యాప్తంగా ట్విట్టర్ ని పరుగులెత్తించారు అనే చెప్పాలి.
అంతేకాక నేటి ఉదయం నుండి దాదాపుగా ఇండియా వైజ్ ట్విట్టర్ ట్రెండ్ లో దాదాపుగా 6 గంటలవరకు మహేష్ పుట్టిన రోజు ట్వీట్స్ ని పరిగెత్తించడం కూడా మరొక రికార్డ్ అంటున్నారు. మరి ఈ రికార్డును మరొక నెల రోజుల్లో రాబోతున్న పవర్ స్టార్ పవన్ ఫ్యాన్స్ ఎంతవరకు బ్రేక్ చేస్తారో చూడాలి అని పలువురు ఆసక్తిని వ్యక్తం చేస్తున్నారు. వాస్తవానికి మొదట్లో పవన్, మహేష్ ల సినిమాల మధ్య మొదలైన ఈ పోటీ, ఇప్పుడు ఈ విధంగా సోషల్ మీడియా మాధ్యమాల్లో అత్యధిక యూట్యూబ్ వ్యూస్, అలానే అత్యధిక ట్విట్టర్ ట్వీట్స్ పోటీతో మరింత రసవత్తరంగా మారింది.....!!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి